व्यवस्थापिका संसदको बैठकमा बोल्दै नेपाली कांग्रेसका सभासद अमरेशकुमार सिंहले विगत केही दिनदेखि सञ्चार माध्यममा भइरहेको आक्रमण सिंगो लोकतन्त्रमाथिको आक्रमण भएको बताएका छन्। उनले भने, ‘एकातिर संविधान बन्ने आधार तयार नहुनु, अर्कोतर्फ सरकारको अकर्मण्यताले पनि यस्ता घटना हुने क्रम बढेको छ।’
उनले कान्तिपुरमा भएको माओवादी नेतृत्वको मजदूरहरुको आन्दोलनमा संकेत गर्दै मिडियामा भएको आक्रमण ठूलो चिन्ताको विषय भएको उल्लेख गरे। उनले थपे, ‘यस्तो अवस्थामा कस्तो लोकतन्त्र बनाउँदै छौ?सरकारमा रहेकाले भाइभतिजा, मामाको लागि मात्रै नीति बनाउने हो कि राज्य संचालन पनि गर्ने हो?’
उनले प्रेसमा भएको आक्रमण नरोकिए सदनको आवाज पनि रोकिने उल्लेख गर्दै सरकारले आफ्नो गतिविधि नबढाएर कहिँ त्यही दिशामा त लान खोजेको होइन भनी प्रश्न गरेका थिए।
त्यस्तै कांग्रेसकै सभासद उषा गुरुङले संविधान निर्माणकै क्रममा मिडिया हाउसमा आक्रमण गर्ने र विदेशी दूतावासहरुमार्फत विदेशी पर्यटकलाई नेपाल नआउन र नपठाउन पत्राचार भएको भन्ने समाचार घोर भत्र्सनायोग्य भएको बताए।
प्रकाशित मिति: 2014-08-26 15:05:09
