नेकपा एमालेका नेता शंकर पोख्रेलले प्रधानमन्त्री सुशिल कोइराला नसुध्रिए एमाले सरकारबाट बाहिरिने चेतावनी दिएका छन्। माघ ८ गते संविधान निर्माण गर्ने गरि राष्ट्रिय जिम्मेवारी बोधका कारण आफूहरुले नेपाली काग्रेससँग अप्ठयारोका बाबजुत पनि सहकार्य गरिरहेको स्पष्ट पारेका छन।
रिपोर्टर्स क्लब नेपालले बिहीबार आयोजना गरेको साक्षात्कारमा उनले सरकार निर्माणको बेला आफै सहमतिमा हस्तक्षार गरेर काग्रेस सभापति सुशील कोइरालाले अहिले आँफै सो विषयमा बखेडा झिकिरहेको आरोप लगाउँदै यसले एमालेभित्र सरकारमा रहने कि नरहने भन्ने विषयमा बहस सुरु भैसकेको बताएका छन्।
पोख्रेलले संविधान निर्माणको दायित्व बोध गरेर मात्रै काग्रेससँगको सहकार्य जारी रहेको स्पष्ट पार्दै अन्यथा एमाले आफै सरकार निर्माण गर्न वा प्रतिपक्षमा बस्न तयार रहेको बताए। उनले भने–यदि प्रधानमन्त्री कोइरालाले ७ बुँदे सम्झौता कार्यन्वयन गर्दैनन भने एमाले सरकारबाट बाहिरिन्छ। राष्ट्रपती र उपराष्ट्रपती संविधान सभाबाट अनुमोदन हुनै पर्छ त्यसमा एमाले प्रष्ट छ। सुशिल कोइरालाले आफूले गरेको हस्ताक्षरको सहमती कार्यन्वयन गर्ने कि सरकारबाट बाहिरिने त्यो उहाँकै कोर्टमा बल छ।
उनले काग्रेससँग सहकार्य गर्ने कि नगर्ने भन्ने विषय छलफलमा प्रवेश गरिसकेको भए पनि संविधान निर्माणको लागि सरकारमा बस्नुपर्ने बाध्यता भएपनि यदि काँग्रेसका नेताहरुले धम्क्याइरहेन हो भने आफूहरु सरकारबाट बाहिरिने पनि चेतावनी दिए। उनले काग्रेस नेताहरुको अभिब्यक्ति गठबन्धन सँस्कृतिको विरोधी भएको आरोप लगाए।
पोख्रेलले प्रधानमन्त्री सुशील कोइराला दलीय स्वार्थमा फसेको आरोप लगाउँदै एमालेको भागमा परेको मन्त्रालयहरुले गर्ने राजनीतिक नियूक्तीमा समेत हस्तक्षेप गर्ने गरेको बताए। उनले भने– प्रधानमन्त्रीको हस्तक्षेपका कारण अहिले पराष्ट्रमन्त्रालय अन्तर्गत रिक्त देशहरुमा अहिलेसम्म राजदुतहरुको नियूक्ती हुन सकेको छैन्।
उनले भने–एआईजीमा पनि कनिष्ठलाई ल्याएर विवादमा पारे। काग्रेसको मन्त्रालयमा मनलागी ढंगले नियूक्ती भईरहेका छन तर एमालेको भागको मन्त्रालयमा हस्तक्षेप भईरहेको छ। यो सरकार कमजोर छ। चाह्यो भने यसलाई गति दिन सकिन्छ।
नेपाली काग्रेसका नेता दिपकुमार उपाध्यायले राष्ट्रपतिले संसदमा नीति तथा कार्यक्रम पेश गरिसकेकोले संसदले चिनेको र सर्वोच्च अदालतले समेत क्लिन चिट दिईसकेकोले मुलुकको सम्मानित सँस्थामा विवाद सृजना नगर्न आग्रह गरे।
उनले राष्ट्रपति र उपराष्ट्रपतिको अनुमोदन गराउने विषय गौणको विषय भएको भन्दैे भदौ मसान्तसम्म संविधानको पहिलो मस्यौदा जारी गर्ने र त्यही मस्यौदामा राष्ट्रपती र उपराष्ट्रपतीको निर्वाचनको मिति निर्धारण गरेर संविधान जारी हुने वितिक्कै परिवर्तन गर्ने गरि सहमती खोज्ने बताए। उपाध्यायले भने–अहिले राष्ट्रपती र उपराष्ट्रपती अनुमोदन संविधान सभाबाट गर्न सकिँदैन्। त्यसो गरे विवाद उत्पन्न हून्छ र संविधान जारी गर्न सकिँदैन्। त्यसैले माघ ८ गतेसम्म काँग्रेस एमालेवीचमा सहकार्य आवाश्यक रहेको भन्दै राजनीतिक नियूक्तीमा विवाद भए उपप्रधानमन्त्री बामदेब गौतमले किन नभनेको भनि प्रश्न गरे। उनले भने–एम्ाालेबाट सरकारको नेतृत्व गरेका बामदेव गौतमले भन्नुपर्छ नियुक्तीहरुमा कहाँ विवाद र कसले हस्तक्षेप गर्यो भनेर पार्टी नेतृत्वलाई जानकारी गराउनुपर्नेमा उपाध्यायले जोड दिए। उनले बाहिर टिकाटिप्पणी गर्नुभन्दा पनि छलफल गरेर विवादहरु टुङ्याउनुपर्ने बताए।
एमाओवादी नेता टोपबहादुर रायमाझीले राष्ट्रपति र उपराष्ट्रपतिको अनुमोदन बेमौसमी बाजा भएको भन्दै संसदले चिनिसकेको बताए।
उनले सरकार संविधान निर्माण भन्दा पनि बाडचुड गरेर खाने योजनामा लागिपरेको दावी गर्दै एमाले र काग्रेसले विगतका सहमतिमा समेत राजनीतिक संबाद समितिमा विवाद झिकेर झमेला पैदा गरेको बताए।
उनले संविधान निर्माण नहुन्जेलसम्म सरकार परिवर्तन गर्न नहुने भन्दै प्रतिपक्ष सजिलो भएको बेला अहिले सरकारले तिब्रताका साथ काम गर्नुपर्ने सुझाव दिए। उनलेे भने–काँग्रेस एमाले नै आपसमा झगडा गरेर दुनियाँलाई हसाईरहेका छन्। हामी अहिले सरकार ढाल्ने पक्षमा छैनौ।
पार्टी भित्रको अर्न्तसंघर्ष पार्टी जीवन भएको भन्दै संघर्ष विनाको पार्टी सुदृढ हुनै नसक्ने दावी गरे। उनले पार्टीभित्र समानान्तर कमिटि गठन भएको विषयलाई संस्थापन पक्षको एक्सनको रिएक्सन मात्र भएको टिप्पणी गरे। रायमाझीले संस्थापन पक्षले पार्टीको नीति र अनुशासनको उल्लंघन गरेको कारणले विभिन्न जिल्लाहरुमा समानन्तर कमिटि गठन भएको बताउँदै भने– मलाई सचिव बनाएको नै मैले स्विकारेको छैन भने हटाउनुको के अर्थ भन्दै बाबुराम भट्टराईलाई जो कमजोर बनाउने लाग्छ त्यो आँफै कमजोर हुने दाबी गरे।
नेकपा मालेका महासचिव सीपी मैनालीले काँग्रेस र एमाले गठबन्धन सरकारको सस्कृतिको चरित्र विपरित लुटमा लागेको आरोप लगाएका छन्। उनले अहिलेसम्म प्रधानमन्त्रीले सरकारका पार्टनरहरुसँग पनि कुनै विषयमा छलफल नगरेको प्रति असन्तुष्टी प्रकट गरे। दुवै पार्टी सरकार बनेको दिनदेखि नै संकिर्ण स्वार्थका साथ अगाढी बढेको भन्दै दुवै दलले बखेडा झिकेको आरोप लगाएका छन्।
मैनालीले राष्ट्रपति र उपराष्ट्रपतिको विषयमा एमालेले बखेडा झिकेको भन्दै संविधान जारी नहुन्जेलसम्म यो विषयलाई उठाउन नहुने तर्क गरे। उनले भने–यो विषयमा एमालेले नीीत तथा कार्यक्रमको घोषणा हुनुपुर्व नै गर्नु पर्दथ्यो। तर अब यो विषयमा बखेडा झिकेर संविधान लेखन प्रक्रिया नै अवरुद्ध पार्नु हुँदैन्।
