राष्ट्रिय प्रकृति संरक्षण कोषका सदस्यसचिव जुद्ध गुरुङलाई अख्तियार दुरुपयोग अनुसन्धान आयोगले निलम्बन गरेको छ ।
कोषको अनियमिततामाथि छानबिन भइरहेकाले थप प्रमाण नष्ट हुनसक्ने भएको जनाउ दिँदै अख्तियारले गुरुङलाई निलम्बन गर्न वन मन्त्रालयलाई पत्र लेखेको थियो । उनीसँगै कोषका प्रशासन प्रमुख दीपक सिंह पनि निलम्बित भएका छन् ।
कोषको अनियमितताबारे छानबिन गर्न पटकपटक कुरा उठ्दै आएको छ ।
वन मन्त्रालयले कोषका संरक्षक रहेका मन्त्रिपरिषद्का अध्यक्ष खिलराज रेग्मीसँग आइतबार गुरुङ र सिंहलाई निलम्बन गर्न स्वीकृति लिएको थियो । वनले गुरुङ र सिंहलाई निलम्बनको पत्र सोमबार पठाउने जानकारी स्रोतले दिएको छ ।
