त्यो सँगै भारतीय सेनाको टेक्निकल भेइकल पनि आएको छ। मोदीको मोटरको पछिपछि कुद्ने त्यो भेइकलमा बम डिस्पोजल मेशिन, आगलागी नियन्त्रण उपकरण, सञ्चार सेट लगायत हुन्छ।
बिहीबारै भारतीय वायु सेनाको अर्को हवाईजहाजबाट प्रधानमन्त्री मोदीको सुरक्षार्थ ‘नेशनल सेक्युरिटी गार्ड (एनएसजी)’ पनि अवतरण गरेका छन्। ‘व्ल्याक क्याट पनि भनिने त्यो सुरक्षा दस्ताका २३ जना सदस्यहरु’ बुधवार अपरान्ह आएको सुरक्षा स्रोतले बतायो।
स्रोतले दिएको जानकारी अनुसार दुई दिने भ्रमणका क्रममा दुईवटा बुलेटप्रुफ मोटर स्ट्याण्डबाई हुन्छ। त्यसमध्ये भारतीय प्रधानमन्त्रीले जुन इच्छा लाग्छ त्यहि चढ्नेछन्।
मोदी भ्रमणका लागि केहि दिनअघि नै नेशनल सेक्युरिटी गार्ड (एनएसजी), ब्ल्याक क्याट, डिप्लोम्याट इण्डियन सेक्रेट सर्भिस (डिआइएसएस)को एउटा टोली आइसकेको छ। नेपाली सेनाले महासेनानी (फूल कर्नेल)लाई मोदीको गार्ड खटाउने भएको छ। नेपाली प्रधानमन्त्रीको नियमित सुरक्षा लेफ्टिनेन्ट कर्नेलले दिने प्रचलन छ।
भारतीय सुरक्षाकर्मीले नेपाली सेनाको विशेष टोलीसँग समन्वयगरेर सम्भावित रुटको रेकि सुरु गरिसकेका छन्।
आइतवार मोदीको भ्रमणको दिन भारतीय वायु सेनाको दुईवटा जहाज सँगसँगै जस्तो काठमाडौं अवतरण गर्दैछ। एउटामा मोदी अर्कोमा भ्रमण दलका विभिन्न बिधाका सदस्य हनेछन्।