सशस्त्र आइजिपी कोषराज वन्त र अवकाशप्राप्त एआईजी ठाकुरमोहन श्रेष्ठबीचको जुहारी अझै साम्य भएको छैन्।
पाँच वर्षअघि एआइजी बढुवा भएसँगै सुरु भएको उनीहरुको जुहारी अवकाश पछिपनि साम्य नभएको हो। १३ असारमा सशस्त्र एकेडेमी मातातिर्थमा श्रेष्ठले दिएको विदाइ भाषणले सशस्त्र मुख्यालय हलचोकमा हलचल मच्चिएको छ।
'सुरक्षा षडयन्त्र परिवन्द र झुटको खेती उमार्ने कुप्रयासहरुले एआइजीमा रहँदा उल्लेखनीय काम गर्न सकिएन,' श्रेष्ठले भने। उनको सम्बोधनलाई प्रहरी हेडक्वाटरले वेभसाइटमा राखेपछि वन्त क्रुद्व भएका हुन्।
आफ्नै संगठनको साइटमा आएको श्रेष्ठको सम्बोधन हटाउन वन्तले निर्देशन दिएको सशस्त्र उच्च स्रोतले सेतोपाटीलाई जानकारी दिएको छ।
श्रेष्ठको सम्बोधन आफूप्रति इंगित भएको ठानेर वन्तले हटाउन निर्देशन दिएको स्रोतले बतायो। निर्देशनपछि श्रेष्ठको सम्बोधन आफ्नो अफिसियल साइटबाट सशस्त्र प्रहरीले हटाएको छ।
सम्वोधनलाई डाउनलोड नगर्न र फेसबुकमा सेयर नगर्न वन्तले निर्देशन दिएका छन्। हेडक्वार्टरले मातहतका सबै युनिटहरुलाई यस्तो दिर्नेशन दिएको छ।
सशस्त्र प्रहरी सूचना शाखा प्रमुख डिएसपी अजय छतकुलीले श्रेष्ठको सम्बोधन फेसबुक र अफिसियल साइटमा नहालेको दाबी गरे। उनले भने, श्रेष्ठको सम्बोधन सामाजिक संजालहरुमा हालिएको छैन् कसरी हटाउनु।
आफूलाई हटाएर श्रेष्ठ आइजीपी बन्ने अभियानमा लागेको भन्दै वन्तले श्रेष्ठको 'खेदो खनेको' स्रोतले जानकारी दियो। श्रेष्ठले संगठनका कर्मचारीसँग आइजीपी बन्न रकम लिएको भन्दै हेडक्वाटरमा बेनामी उजुरी परेपछि वन्तले श्रेष्ठमाथि छानविन गर्न एक समिति नै गठन गरेका थिए।
स्रोत भन्छ, 'अवकाश पाएका श्रेष्ठ, वन्तको अख्तियारमा भष्ट्राचारको उजुरी र अदालतको अपहेलनामा सर्वोच्चमा मुद्धा विचाराधिन रहेको भन्दै उनलाई हटाउने अभियानमा लागेका थिए्। एआइजीमा बढुवा भएदेखि नै दुइजनाबीच पानी बाराबारको स्थिति थियो।'
अवकाश पाइ परिवारसँग रमाइरहेका श्रेष्ठ भने वन्तविरुद्ध कानुनी सल्लाह लिने तयारीमा छन्। संगठनमा रहदाँ आफूलाई अपमान गरेको भन्दै उनले कानुनी सल्लाह दिनबेला आएको बताएका छन्।
श्रेष्ठको विदाई भाषण यस्तो थियो: