राष्ट्रिय प्रजातन्त्र पार्टीका संसदीय दलका नेता दिपक बोहोराले १७ वर्षपछि भारतीय प्रधानमन्त्री नरेन्द्र मोदीले गर्न लागेको नेपाल भ्रमणलाई दुई देशको हितका लागि सार्थक बनाउन सबै लागि पर्नु पर्ने बताएका छन्।
व्यवस्थापिका संसदको बैठकमा विशेष समयलिएर बोल्दै सोमबार बोहोराले भने, १७ वर्ष पछि भारतीय प्रधानमन्त्री नेपाल आउन लाग्दै छन्। यो खशीको कुरा हो। यो भ्रमणबाट दुबै देशको हित कसरी गर्न सकिन्छ भन्ने तर्फ हामी सबै दलका नेताहरुको ध्यान केन्द्रीत हुन जरुरी छ।
बहुचर्चित उर्जा व्यापार सझौता, नयाँ जलविद्युत परियोजनामा भारतीय लगानी भित्र्याएर देशको आर्थिक बृद्धि गर्ने तथा धार्मीक पर्यटनको विकासमा राष्ट्रिय हित कसरी पूरा गर्न सकिन्छ भन्ने विषयमा सरकारको ध्यान केन्द्रीत गर्न पनि उनले आग्रह गरे। हामीले भारत र चीन जस्ता आर्थिक प्रगतिमा लम्केका मुलुकबाट नेपालले पनि फाइदा लिन सक्नु पर्छ।
त्यसका लागि सबै राजनीतिक दलबीच सर्वदलीय बैठक बसेर राष्ट्रिय सहमति कायम गर्न आवश्यक भएकोले सरकारले तत्काल बैठक बोलानु पर्छ, उनले भने।
विगतमा भएका कतिपय सन्धि सझौताबाट नेपालीहरुमा पर्न गएको नकरात्मक धारणामा परिवर्तन ल्याउन पनि भारतले नेपालको हितका लागि केही उदाहरणीय काममा सहयोग गर्न जरुरी रहेको पनि उनले बताए।
त्यसैगरी मधेसी जनअधिकार फोरम नेपालका सभासद वीरेन्द्रकुमार महतोले आगामी साता भारतीय प्रधानमन्त्री नरेन्द्र मोदीको भ्रमणका बखतमा दुइ देशबीच आपसी हितका लागि विद्युत व्यापार सम्बन्धि सझौता नयाँ आयोजना निर्माणको सझौता गरी नेपालको विकासका लागि सरकारले आवश्यक कार्य अगाडि बढाओस।
विजुलीको उत्पादन विना नेपालको विकास सम्भव छैन भन्दै उनले तर राजनीतिक स्वार्थ पूर्ति गर्ने नाममा विरोधका लागि विरोध गरेर हुदैन। हामीले अरुण तेस्रो आयोजनाको विराधले मुलुक अहिले कुन अवस्थामा रहन बाध्य भएको छ त्यसबाट पाठ सिक्न जरुरी छ।
