सिङ्गापुरको नेसनल युनिभर्सिटी अस्पतालमा उपचाररत नेकपा (एमाले)का अध्यक्ष केपी शर्मा ओली आज अस्पतालबाट फिर्ता भएका छन्।
उनी यही साउन ६ गते सिङ्गापुर गई साउन ७ गते अस्पताल भर्ना भएका थिए। फङ्गल सङ्क्रमणका कारण दायाँ हात सुन्निने क्रम नघटेकाले थप उपचार गराउन उनी सो अस्पतालमा भर्ना भएका थिए। अध्यक्ष ओलीका सहयोगी इन्द्र भण्डारीले नेता ओलीको परीक्षण सकिएको र प्रतिवेदन पनि सामान्य आएकाले आज फिर्ता भएको जानकारी दिए।
अध्यक्ष ओली केही दिन सिङ्गापुरमा आराम गरी सम्भवतः आउँदो मङ्गलबार स्वदेश फर्कनेछन्।रासस
