प्रधानमन्त्री तथा मन्त्रिपरिषदबाट स्वेच्छिक राजिनामा दिएका सचिव कृष्णहरी बाँस्कोटालाई सरकारले प्रशासनिक सुधार सुझाव आयोगको प्रमुखमा नियुक्त गरेको छ।
शुक्रबार बसेको मन्त्रिपरिषदको बैठकले बाँस्कोटालाई नियुक्त गरेको हो।
प्रधानमन्त्री निवास बालुवाटारमा बिहान बसेको बैठकले दुई दिन अगाडि मात्रै सरकारी सेवाबाट पदावधि सकिएर अवकाश पाएका पूर्वसचिव युवराज भुषाललाई नेपाल प्रशासनिक प्रशिक्षण प्रतिष्ठानमा एक वर्षका लागि निर्देशक पदमा नियुक्त गरेको छ ।
बैठकले शिवपुरी राष्ट्रिय निकुञ्जको टोखा छहरेमा सर्वसाधारणले आवतजावत गर्दा अबदेखि शुल्क नलाग्ने व्यवस्था मिलाएको छ । शिवपुरी राष्ट्रिय निकुञ्जभित्र पर्ने उक्त स्थानमा नुवाकोट–काठमाडौं गर्दा सैनिक सुरक्षा जाँचपोष्टमा पटके शुल्क तिर्नुपर्दथ्यो ।
यसैगरी, बैठकमा भारतीय विदेशमन्त्री सुष्मा स्वराजको आजदेखि हुने भ्रमणका बारेमा पनि छलफल भएको सरकारका प्रवक्ता डा. मीनेन्द्र रिजालले जानकारी दिए ।