सशस्त्र प्रहरी बल प्रधान कार्यालयले पाँच दिनपछि अवकाश पाउन लागेका एआइजी ठाकुरमोहन श्रेष्ठले रकम असुलेको भए उजुरी दिन देशैभरका आफ्ना निकायमा परिपत्र परेको गरेको छ।
सशस्त्र प्रहरी महानिरीक्षक कोषराज वन्तको ठाडो निर्देशनमा प्रहरी प्रधान कार्यालयबाट एअाइजी श्रेष्ठले कसैसँग रकम असुलेको भए उजुरी दिन आह्वान गर्दै देशभरका आफ्ना निकायमा परिपत्र जारी भएकाे हाे। प्रहरी हेडक्वार्टरले जारी गरेको परिपत्रमा श्रेष्ठविरुद्ध रकम असुलेको विषयमा अनुसन्धान भइरहेको र कसैसँग उनले रकम असुलेको भए उजुरी दिन आह्वान गरिएको छ।
परिपत्रमा भनिएको छ, ‘श्रेष्ठले साउन १४ गतेबाट नियमित अवकाश पाउँदैछन्, कोही कसैसँग उनको आर्थिक लेनदेन भए उजुरी दिन आह्वान गर्दछौं ।’
श्रेष्ठले प्रहरी अधिकृतसँग रकम असुलेको र फिर्ता नगरेको भन्दै सशस्त्र प्रहरी कार्यालय, गृह मन्त्रालय र अख्तियार दुरुपयोग अनुसन्धान आयोगमा बेनामी उजुरी परेको थियो। त्यही उजुरीका आधारमा प्रहरी महानिरीक्षक वन्तले छानबिन गर्न एआइजी जीवन थापाको संयोजकत्वमा समिति गठन गरेका थिए। समितिलाई ठाडो निर्देशन दिदै वन्तले श्रेष्ठको नाममा देशभरका निकायमा परिपत्र गर्न दबाव दिएको उच्च स्रोतले सेतोपाटीलाई बतायो।
एआइजी श्रेष्ठले भने सेतोपाटीसँग प्रतिक्रिया दिँदै आफूले जुन कुराको अपेक्षा नगरेको त्यही भएको बताए।
गल्ती गरे कानुनी कारबाही भोग्न आफू तयार भएको उनले बताए। जागिरे सिलसिलामा आफूले कसैसँग रकम नलिएको र यो षडयन्त्रपूर्वक भएको उनले आरोप लगाए। आफूलाई यस विषयमा हेडक्र्वाटरले आधिकारिक रुपमा जानकारी नगराएको उनको भनाइ छ। ‘खाएको विष लाग्छ,नखाएको विष लाग्दैन,’ उनले भने।
आफूले रकम असुलेको भए चारैतिरबाट छानबिन गर्न उनले आग्रह गरे। ‘कसैले आत्मसन्तुष्टिका लागि गरे होलान्,’ श्रेष्ठले भने, ‘यसले म निकै दुखी भएको छु। यस विषयमा कानुनी सल्लाह लिने सोचमा आफू रहेको उनले बताए।’
‘यस विषयले मेरो मानमर्दन र प्रतिष्ठामा आँच आएको छ,’ उनले भने, ‘मैले पनि हकहितका लागि कानुनी सल्लाह लिनुपर्ला कि भन्ने सोच आएको छ।’
यस विषयमा सम्पर्क गर्न खोन्दा सशस्त्र प्रहरी महानिरीक्षक वन्त यसबारे संगठनको आधिकारिक धारणा डिएसपी अजय छतकुलीसँग लिन भन्दै पन्छिए।
श्रेष्ठ विरुद्ध रकम असुलेको उजुरी परेपछि छानबिनका लागि प्रहरी महानिरीक्षकबाट समिति गठन भएको र यो छानविनका क्रममा रहेको सशस्त्र प्रहरी प्रवक्ता सिंहबहादुर श्रेष्ठले जानकारी दिए।
विदाइ हुन लागेका श्रेष्ठको नामै लिएर परिपत्र जारी गरेपछि प्रहरी संगठनभित्र हलचल भएको छ। अधिकांश उच्च प्रहरी अधिकृतहरुले विदाइका बेला प्रहरी महानिरीक्षक वन्तले यदि धेरै खेद्न नहुने भन्दै असन्तुष्टि जनाएका छन्।
उनीहरुले संगठनविरुद्ध यस विरुद्धको क्रियाकलापमा हस्ताक्षर अभियान नै सकंलन गरेका छन्। प्रहरी संगठनभित्र एकले अर्कोलाई सिध्याउने खेल बन्द गर्न उनीहरुले माग गरेका छन्। आइजिपी बन्ने कसरतमा श्रेष्ठ रहेका कारण वन्त उनीमाथि खनिएको हुनसक्ने उच्च प्रहरी स्रोतले सेतोपाटीलाई बतायो। स्रोतले भन्यो, ‘भष्ट्राचारको आरोपमा अख्तियारमा मुद्धा खेपिरहेका वन्त हटाउनुपर्ने अभियानमा श्रेष्ठ लागेका कारणा वन्त उनीमाथि खनिएका हुन्।’ वन्तले पछिल्लो समय सर्वोच्च अदालतमा मानहानीको मुद्धा खेपिरहेका छन् । वन्तलाई विभागकै प्रहरी अधिकृतहरुले मानहानीको मुद्धा हालेका हुन्।
सशस्त्रको मेडिकल बोर्डबाट असक्षम रहेका हवलदार फुर्वा मगरलाई सिरहा सरुवा गरेपछि वन्त विवादमा मुछिएका हुन्। पछि यो विषय अदालतसम्म पुगेको हो। अदालतले वन्तको सरुवा बदर गरेपनि पुन उनले मगरलाई सिरहा जान भनेपछि अपहेलनाको मुद्दा दायर भएको हो। स्रोतका अनुसार डिआइजी बढुवा बेलादेखि नै उनीहरुबीच मनमुटाव थियो। सशस्त्र प्रहरीका पूर्व एआइजी रविराज थापाले श्रेष्ठविरुद्ध परेको उजुरीका आधारमा देशभरका निकायमा परिपत्र गर्नुलाई आश्चर्यजनक रुपमा लिन नहुने बताए।
उजुरी परेपछि समस्या समाधानका लागि हेडक्वार्टरले आफ्ना निकायहरुमा परिपत्र गर्नुलाई स्वभाविक रुपमा लिनुपर्ने उनले बताए। प्रहरी संगठनभित्र राजनीति प्रवेश गरेको कारण बेलाबखतमा यस्तो समस्या हुने गरेको उनले बताए।