राप्रपा नेपालका अध्यक्ष कमल थापाले प्रमुख दलहरूले संविधानका संवेदनशील विषयमा छलफल गर्न वातावरण नबनाएकाले आगामी माघ ८ गते नयाँ संविधानको घोषणा गर्न सम्भव नरहेको बताएका छन् ।
राप्रपा नेपाल हेटौँडा नगर समितिद्वारा आज आयोजित नगरस्तरीय भेलाको उद्घाटन गर्दै अध्यक्ष थापाले प्रमुख दलले मुलुकका संवैधानिक अङ्ग, मन्त्रिपरिषद् र सुरक्षा निकायलाई राजनीतिक भागबण्डा र हस्तक्षेपबाट मुक्त नतुल्याएसम्म प्रजातन्त्रको भविष्य उज्ज्वल नहुने बताए ।
पार्टीको नीति र सिद्धान्तलाई निस्वार्थ भई आत्मसात् गर्न र आ–आफ्नो जिम्मेवारी बहन गर्न पनि उनले पार्टी कार्यकर्तासँग आग्रह गरे । रासस
