नेकपा एमालेका अध्यक्ष केपी शर्मा ओली उपचारका लागि मंगलबार अपरान्ह सिंगापुर प्रस्थान गरेका छन्।
अध्यक्ष ओली आज दिउँसो थाइ एयरबाट सिंगापुर गएका हुन्। ओलीको साथमा उनको श्रीमती राधिका शाक्य र भतिजा राजेश बज्राचार्य पनि सँगै गएका छन्। ओलीको दायाँ हत्केला सुन्निएकाले त्यसको पनि उपचार गराउने कार्यक्रम छ।
उनी थाइल्यान्ड हुँदै त्यस तर्फ जान लागेका हुन् । उनले त्यहाँ नेशनल युनिभरसिटी हस्पीटलमा उपचार गराउने छन्।
ओलीलाई विदाइ गर्न उर्जामन्त्री राधा ज्ञवाली, उद्योगमन्त्री कर्णबहादुर थापा, युवा संघका अध्यक्ष महेश बस्नेत लगायतका नेता त्रिभुवन अन्तराष्ट्रिय विमास्थल पुगेका थिए। एमाले केन्द्रीय सदस्य राजन भट्टराईका अनुसार बुधबार डाक्टरको समय दिइएको छ ।
पछिल्लो छ महिनामा ओली तेस्रो पटक उपचारका लागि विदेश थएका हुन् ।
उपचारका लागि सिंगापुर जाने भएपछि उनले पार्टीको कार्यबहाक अध्यक्षको जिम्मेवारी उपाध्यक्ष वामदेव गौतमलाई दिएका छन् । हिजो साँझ भारतीय राजदूत रन्जित रे ले भेट गरेका ओलीलाई बालकोटमा बिहान सभामुख सुवास नेम्वाङले भेट गरेका छन् ।