नेकपा (एमाले)का अध्यक्ष केपी शर्मा ओली नियमित स्वास्थ्य परीक्षण (फलोअप) का लागि आज सिंगापुर जाँदै छन् । ओली यसअघि फगंल म्यानेन्जिाइटिसको उपचारका लागि गत वैशाख १७ गतेदेखि थाइल्यान्ड गइ जेठ २० मा स्वदेश फर्किएका थिए ।
अध्यक्ष ओली आज दिउँसो १ बजे थाइ एयरबाट सिंगापुर जाने कार्यक्रम रहेको उनको स्वकिय सचिव रमेश आर्चायले सेतोपाटीलाई बताए ।ओलीको साथमा उनको श्रीमती राधिका शाक्य र भतिजा राजेश बज्राचार्य पनि सँगै जाँदैछन्। ओलीको दायाँ हत्केला सुन्निएकाले त्यसको पनि उपचार गराउने कार्यक्रम छ ।
उनी थाइल्यान्ड हुँदै त्यस तर्फ जान लागेका हुन् । उनले त्यहाँ नेशनल युनिभरसिटी हस्पीटलमा उपचार गराउने छन् । उपचारका लागि सिंगापुर जाने भएपछि उनले पार्टीको कार्यबहाक अध्यक्षको जिम्मेवारी उपाध्यक्ष वामदेव गौतमलाई दिएका छन् । हिजो साँझ भारतीय राजदूत रन्जित रे ले भेट गरेका ओलीलाई बालकोटमा बिहान सभामुख सुवास नेम्वाङले भेट गरेका छन् ।
