संगठित अपराध सम्बन्धी ऐन कार्यान्वयन नगर्न आदेश

चुनाव
  • Get News Alerts

tata
काठमाडौं, चैत २६ (सेतोपाटी)– सर्वोच्च अदालतले राष्ट्रपतिबाट अनुमोदित संगठित अपराध निवारण ऐन २०६९ अध्यादेश तत्काल कार्यान्वयनमा नल्याउन अन्तरिम आदेश जारी गरेको छ ।
न्यायाधीश सुशिला कार्कीको एकल इजलासले सोमबार अध्यादेश यथास्थितिमा राख्न आदेश दिएको हो । राष्ट्रपतिले चैत ४ गते जारी गरेको अध्यादेश कार्यान्वयनमा आए संगठित अपराधमा अभियुक्तिहरुले संविधानमा व्यवस्था भए अनुसार समानता, स्वतन्त्रता र न्यायकोे हकबाट बञ्चित हुनसक्ने भन्दै सर्वोच्चले अध्यादेशमा रोक लगाएको हो । ऐन तत्तकाल कार्यान्वयन गरे अभियुक्तले आफ्नो सफाईको मौका नपाउने र उसको मानवअधिकार हनन हुने भन्दै सर्वाेच्च अदालतले ऐनको दफा ३३, ३४, ३५ र ३७ कार्यान्वयन नगर्न आदेश दिएको छ ।
 
अधिवक्ता कमल इटनीले चैत १५ गते दायर गरेको रिटको पहिलो सुनुवाईमा सर्वाेच्च अदालतले संगठित अपराध सम्बन्धी अध्यादेश कार्यानवयन नगर्न भनेको हो ।
 
अध्यादेश राष्ट्रपतिबाट अनुमोदित भए लगत्तै राजपत्रमा प्रकाशित भइसकेको छ ।  राजपत्रका यो ऐन तुरुन्त लागु हुने उल्लेख गरिएको छ ।  ऐनको दफा ३३ मा संगठित अपराधको मुद्दाको प्रमाणको सन्र्दभमा ऐन अनुसार र अन्यमा प्रचलित कानुन अनुसार हुने भन्ने व्यवस्था छ भने दफा ३४ मा अभियुक्तको सुरक्षाको दृष्टीकोणले उसलाई बयान गराउन अदालतमा उपस्थित नगराई भिडियो कन्फेरेन्सबाट गराउन सक्ने उल्लेख छ । दफा ३५ मा सरकारबादी मुद्दाका साक्षीहरुलाई उसकै घरमा पुगि भिडियो कन्फेरेन्स गर्न सक्ने र दफा ३६ मा साक्षीहरुले दिएको बयानमा अभियुक्तलाई नदेखाउने र उसलाई प्रतिवाद गर्न पनि नदिने उल्लेख गरिएको छ ।
 
संगठित अपराध निवारण ऐनमा भ्रष्टाचार देखि सम्पति शुद्धिकरणसम्मको मुद्दा पर्नेछन् जसमा तीन वा त्यो भन्दा बढि ब्यक्तिले कुनै अपराध गरेमा त्यसलाई ३ बर्षको कैद सजाय हुने भएमा यसै ऐनको दायरामा ल्याउने उल्लेख गरिएको छ । सर्वाेच्च अदालतले राजपत्रमा प्रकाशित भइसकेको विषयमा गम्भिरता साथ चाँडै टुंगो लगाउन पर्ने भन्दै २४ बैषाखमा रिटको अन्तिम टुंगो लगाउन समेत निर्णय गरेको छ । 
Hyundai
nic asia
mahindra

प्रतिकृया दिनुहोस

बिज्ञापन

थप समाचार

  • एमालेले छान्यो ४ उपमहानगरका उम्मेदवार

    एमालेले छान्यो ४ उपमहानगरका उम्मेदवार

    एमालेले नेपालगञ्जमा समसुद्धिन सिद्धिकी र शान्ता ढकाल, तुल्सीपुरमा घनश्याम पाण्डे र माया आचार्य, घोराहीमा नरुलाल चौधरी र सिता न्यौपाने र बुटवलमा शिवराज सुवेदी र गोमा आचार्यलाई क्रमशः मेयर र उपमेयरका उम्मेदवार बनाएको छ।

  • ‘लाहुरे हुन खैरैले पत्याएन, पोखरेलीले मत दिएर मेयर बनाए’

    ‘लाहुरे हुन खैरैले पत्याएन, पोखरेलीले मत दिएर मेयर बनाए’

    ‘म अहिले पनि पोखरामा भाडामा बन्दै आएको छु। मेरो घर पहिले पनि कालिकामा थियो, अहिले पनि छ र पोखरामा घर बनाउन सक्छु जस्तो लाग्दैन। पोखरा लेखनाथ महानगरपालिका भएपछि कालिका गाविसमा भएको मेरो घर महानगरमा पर्‍यो र पार्टीले टिकट दियो मेयरमा उठेँ,’ उनले भने।

     

  • यादव र गच्छदारबीच चुनावमा तालमेल गर्ने तयारी, पार्टी एकताको योजना

    यादव र गच्छदारबीच चुनावमा तालमेल गर्ने तयारी, पार्टी एकताको योजना

    नेपाल लोकतान्त्रिक फोरमका अध्यक्ष विजयकुमार गच्छदार र संघीय समाजवादी फोरमका अध्यक्ष उपेन्द्र यादवले दोस्रो चरणको निर्वाचनमा तालमेल गरेर जाने अन्तिम तयारी गरेका छन्।उपप्रधानमन्त्री समेत रहेका लोकतान्त्रिक फोरमका अध्यक्ष गच्छदार र संघीय समाजवादी फोरमका अध्यक्ष यादवबीच निर्वाचनमा तालमेल गर्नेबारे पटक–पटक छलफल समेत भइसकेको छ।

  • मेडिकल कलेज स्थापना गर्छुः हेटौँडाका नगरप्रमुख महत

    हेटौंडा उपमहानगरपालिकाका नवनिर्वाचित नगरप्रमुख हरिबहादुर महतले उपमहानगरपालिकाका दुर्गम क्षेत्रमा समेत नगरकै आभास गराउने गरी काम गर्ने प्रतिबद्धता जनाएका छन्। आज यहाँ आयोजित शपथग्र्रहणपछि पदभार सम्हाल्दै उनले उपमहानगरपालिकाभित्र आफ्नै कार्यकालमा मेडिकल कलेजको स्थापनाका लागि योजनासमेत अगाडि बढाउने उद्घोष गरे।

  • राप्रपाः केन्द्रीय सदस्यलाई चुनावी जिल्लामा खटाइने

    राप्रपाः केन्द्रीय सदस्यलाई चुनावी जिल्लामा खटाइने

    राष्ट्रिय प्रजातन्त्र पार्टीले स्थानीय तहको दोस्रो निर्वाचनलाई दृष्टिगत गरी यही जेठ १५ गतेभित्र चुनाव हुन बाँकी विभिन्न ४१ जिल्लामा सम्बन्धित केन्द्रीय सदस्यलाई खटाउन निर्देशन गरेको छ । दोस्रो चरणको निर्वाचनमा पार्टीलाई सफलता दिलाउने उद्देश्यले ती केन्द्रीय सदस्यलाई चुनाव नसकिएसम्म अनिवार्य रुपले आआफ्नो जिल्लामा रहेर चुनावी सभा, प्रचार प्रसारमा क्रियाशील रहन पार्टीले निर्देशन गरेको नेता राजाराम श्रेष्ठले जानकारी दिए।