नेपाली कांग्रेसको भातृ संगठन नेपाल तरुण दलले देशका ७७ जिल्ला प्रशासन कार्यालयमा प्रदर्शन गरेको छ।
तरुण दलका अध्यक्ष जीतजंग बस्नेतसहित नेता, कार्यकर्तालाई प्रहरीले लाठीचार्ज गरी शनिबार घाइते बनाएको विरोधमा तरुण दलले आइतबार दिउँसो प्रदर्शन गरेको हो।
तरुण दल काठमाडौंले माइतीघरमा प्रदर्शन गरेको थियो। स्थानीय प्रशासनमार्फत् सरकारलाई फलामे साङ्लो, ताला र साँचो बुझाएको तरुण दलले जनाएको छ।
सरकारले स्वास्थ्यकर्मी, पत्रकारलाई आक्रमण गरी घाइते गरेकोमा विरोध गरिएको तरुण दलका महासचिव भूपेन्द्रजंग शाहीले बताए।
सरकारले संविधानविपरीत कार्यहरू गरेको आरोप लगाउँदै नेपाली कांग्रेसले सडक संघर्ष गर्ने घोषणा गरे पछि तरुण दल सडक प्रदर्शनमा उत्रिएको हो।
हेर्नुहोस् तस्बिरहरू :
सबै तस्बिरहरू : नारायण महर्जन
