मलाई पनि उड्ने रहर छ

  • Get News Alerts

प्रसङ्ग दशैं र तिहार नजिकदै गरेको अवस्थाको हो। हरेक साल दशैं नजिकिँदै गर्दा मनमा अनेक कुरा खेलिरहन्छन्। अनि म आमालाई सोध्ने गर्छु, ‘आमा यसपाली त बाबा दशैंलाई आउनु होला नि है?।’  ‘पैसा कमाउन अलि सक्नुभएको छैन रे छोरी, अनि बिदा पनि मिल्दैन भन्नुहुन्थ्यो, अर्को साल त पक्का आउनुहुन्छ रे बाबा।’

आमाको यस्तो उत्तरको फलस्वरुप मैले निराशता पाउँछु तर पनि मनमा भएको थोरै आशा पोख्दै पुनः म आमालाई प्रश्न गर्छु, ‘आमा अनि दाइ र दिदी नि?’ आमाको उत्तर फेरि दोहोरिन्छ, ‘उनीहरुको पनि छुट्टी मिल्दैन रे।’  

मेरो बुबा र दाइ/दिदी स्वदेश फर्कने आशा खरानी हुनपुग्छ।

मलाई दुःख त त्यतिबेला लाग्छ जब तिहारमा नेपाली दाजुभाइ र दिदीबहिनी निधारमा सप्तरंगी टीका लगाएर बाटोमा हिँडिरहेका हुन्छन् तर दुर्भाग्यबस! आफ्नो निधार खाली हुन्छ।

कहिलेकाही भावनामा डुब्दै गर्दा वरिपरिको कोही साथीलाई सोध्ने गरेको छु, ‘भोलिपर्सी ब्याचलर सक्काए पछि के गर्छौ?’ अधिकांशको उत्तर यही हुन्छ ‘मलाई उड्ने रहर छ। म त विदेश जाने हो।’

यस्तो सुन्ने बित्तिकै मेरो आङ सिरिङ भएर आउँछ अनि मलाई विदेशिएका मेरा बुबा अनि दाजु दिदीको सम्झनाले पिरोलिएकी मेरी आमाको गहभरिको आँसु झलझलि आउँछ।

प्रत्येक वर्ष नेपालबाट अत्यन्तै ठूलो संख्यामा नेपालीहरु विदेशिन्छन्। कसैको रहर हुन्छ भने कसैको बाध्यता। सायद अहिले घरको एउटा सदस्य पनि विदेश नगएको परिवार औंला भाचेरै गन्न सकिन्छ होला। सदस्य विदेशीएका परिवारको वेदना र पीडा सुन्दा सायद थोरैको आखाँबाट आँसु नझर्ला।

परिवारको सदस्य विदेशीदाको पीडा आफूले भोगेकै भएर होला, कसैले ‘तिमीलाई चाहि उड्ने रहर छैन?’ भनेर सोध्दा, म सधैं यस्तो उत्तर दिन्छु ‘मलाई पनि उड्ने त सारै रहर छ तर हवाईजहाजमा होइन, खुल्ला पन्छी सरि पखेटा फिजाएर केवल निलो आकाशमा उड्ने रहर छ।’
 

प्रतिकृया दिनुहोस

बिज्ञापन

mahindra

विचार

hundai

किनमेल

vianet

ग्लोबल

कला

अंग्रेजी संस्करणबाट

ब्लग

  • सिजेएमसी यात्राको चुनौतीपूर्ण १६ वर्ष सिजेएमसी यात्राको चुनौतीपूर्ण १६ वर्ष

    नेपालमै पहिलो पटक पत्रकारिता तथा आमसञ्चार विषयमा स्नातकोत्तर तह सञ्चालन गरी विद्यमान् पत्रकारिता शिक्षामा आमुल परिवर्तन गर्ने उद्धेश्यल २०५७ सालमा कलेज अफ जर्नालिजम् एण्ड मास कम्युनिकेसन (सिजेएमसी) स्थापना भएको हो। त्रिभुवन विश्वविद्यालयले २२ वर्षदेखि पत्रकारिता विषयमा स्नातक तह सञ्चालन गरिरहेको तर स्नातकोत्तर तह सुरु गर्न नसकेको अवस्थामा सिजेएमसीले काठमाडौंको धापासीबाट तीन कोठा भाडामा लिएर सुरु गर्नु आफैंमा चुनौतीपूर्ण थियो। २०५८ साल पुष २७ गते वरिष्ठ पत्रकार भारतदत्त कोइराला, प्राध्यापक र सिजेएमसीका विद्यार्थीबाट सामूहिकरूपमा कलेजको उद्धघाटन भएको थियो।

    डा. मञ्जुश्री मिश्र

  • कार्यसम्पादन ठूलो कि जागिर? कार्यसम्पादन ठूलो कि जागिर?

    ओली सरकार छँदै ज्ञवाली नेतृत्वको प्राधिकरणले कर्मचारी तान्न, धान्न र काम लगाउन नसक्ने पुष्टि भइसकेको थियो। कुनै पनि सार्वजनिक पदमा नियुक्ति गर्दा पार्टीप्रतिको वफादारीलाई केन्द्रमा राख्ने नगरेको भए ओलीले पहिले त ज्ञवालीभन्दा धेरै योग्य मानिसलाई प्राधिकरणमा ल्याउने थिए। भुलवश त्यस्तो मानिस नियुक्त भएको भए कार्य सम्पादन हेरेपछि फेरेर अर्को मानिस राख्ने थिए। 

    जीवन क्षत्री

  • माघीलाई मिलनको पर्व बनाउने कि फुटको? माघीलाई मिलनको पर्व बनाउने कि फुटको?

    माघीको मौकामा मालिकहरू गाउँमा गएर गरिब, सोझा अभिभावकलाई ललाईफकाई विभिन्न प्रलोभनमा पारेर, वर्षको सिर्फ एकजोर कपडा दिएर वा एकदम न्यूनतम पैसा दिएर ५ देखि २० वर्ष सम्मका छोरीलाई आफ्नो घरायसी काम गर्नका लागि कमलरीको रूपमा लैजाने चलन थियो। कमलरीको नाउँमा हजारौं थारू चेलीवेटीहरूको विभिन्न तवरले शोषण हँुदै आएको छ। उनीहरू श्रम शोषण, यौन शोषणमा परी मानसिक पीडा भोग्दै विक्षिप्त अवस्थामा मालिकको घरमा नारकीय जीवन जिउन विवश छन्। कुनै न कुनै बहाना पारेर चेलीवटीलाई अझैसम्म कमलरी बनाउने काम हुँदै आएको छ। यसलाई रोक्न समाजका हरेक सचेत नागरिक लाग्नु जरुरी छ। साथै राज्य पक्षबाट यी सामाजिक विकृतिपूर्ण कुप्रथालाई हटाउनका लागि ठोस कार्यक्रम अगाडि ल्याउनु पर्दछ। तर उनीहरुले अझैसम्म कमलरी परिचय पत्र समेत पाएका छैनन्।

    शत्रुघन चौधरी

साहित्यपाटी

  • खाम भित्रको माया खाम भित्रको माया

    मैले भनें– म थाकेकी थिएँ, यसो पल्टेको भुसुक्कै निदाएछु । ‘तिमी बद्लियौ।’ ‘मेल्वर्नको मौसम जस्तै भयौ भन्न खोजेको कल्याण?’ ‘तिमी नजिस्क त मसँग।’ ‘हुन्छ, त्यसो भए अर्कोसँग जिस्किन्छु नि त।’

    निरु त्रिपाठी

  • कसको सिन्दूर? कसको सिन्दूर?

    गएको वैशाखमा गिरानचौरतिर बिहे भएको रहेछ मस्यौरीको। रामदाइ घर फर्किएको खबर सुनेर मामाघर राउतगाउँ जाने बहाना बनाएर आएकी रहिछन् यता।  हुनु–हुनामी भइसक्यो। रिसाएर अथवा रोएर अब केही हुनेवाला थिएन। 'के गछ्र्यौ त अब?' रामदाइले सोधे।  'तिमी जे भन्छौ, त्यही गर्छु... !' उनले आँसु पुछ्दै भनिन्। 'जान्छ्यौ त मसँग?' रामदाइले खिरिल्याएर सोधे। मस्यौरीले मुन्टो हल्लाइदिइन्।

    प्रोल्लास सिन्धुलीय

  • जुग्री जुलुस जुग्री जुलुस

    तराईमा औलो उन्मूलन भयो। पहाडबाट मान्छे ओइरिए। त्यसबेला दाङका फाँटमा धान झुलेका थिए। पहेलपुर तोरी फुलेका थिए। र, तिनकै रङमा भूमिपुत्र थारूका अबोध मन खुलेका थिए। पहेलपुर तोरीको फूलसित बाजी लाग्दै जुग्री–जग्गु प्रेमको कोपिला लागेको थियो। दाङ झरेका शासक खलकका अाँखा पहेलपुर फाँटमा परे। थारू र अक्षर, थारू र राज्यसत्ताबीच गोरु बेचेको साइनो पनि थिएन। त्यसैले ‘शासक खलक’लाई ती फाँट कब्जा गर्न कुनै आइतबार कुर्न परेन।सिङ्गो पञ्चायत नै तिनका भएपछि छिनभरमै सारा फाँट आफ्नो बनाए। हेर्दाहेर्दै पहाडबाट झरेका शासक खलक जति जिम्दार भए भने थारू भूमिहीन।

    नवीन विभास

पाठक विचार

  • विकासको नाम जपी, माछो-माछो भ्यागुता बनाए

    हेर हाम्रा नेताले, आफैंलाई भुइ-फुट्टा बनाए। बिखन्डनको बाटो रोजी, न यता न उता बनाए ।   अनेकौ वाद तन्त्र भनी सधै जनता झुक्याइरहे, विकासको नाम जपी, ...

    डा. रबिन खड्का

  • हामी मधेसीबाट कहिले नेपाली हुने?

    lsquo;ल् उठनुस तपाईहरु, आ–आफनो झोलाहरु चेकजाच गराउनुहोस्’, यसरी जोडले आएको एक्कासी आवाजले म झस्केर उठेँ। उठेर देख्दा भर्खर हेटौडा, मकवानप...

    सुशीलकुमार साह

लोकप्रिय

सिफारिस

सूचनापाटी

छापाबाट