वीरगञ्जबाट स्वास्थ्य मन्त्री थापालाई पत्र

  • Get News Alerts

स्वास्थ्य मन्त्री गगन थापाज्यू,
तपाईंको चरित्र, जोश जाँगर तथा कर्मठ परिर्वतन सबैलाई ज्ञात छ।
 
हाम्रो देशमा व्याप्त माफियातन्त्र राजनीतिदेखि चिकित्सा क्षेत्रसम्म पुगेको छ। चिकित्सक नै किन न होस्,त्यसको पोषणकर्ता सरकार, राज्य, नेता, कर्मचारीतन्त्र नै हो। कोही महाबली नै किन न होस् तपाईं र तपाईंको सत्चरित्र, इच्छा शक्ति तथा अडिग आत्मविश्वासको अगाडि घुँडा टेकेर लज्जित र परास्त हुने छन् भन्ने विश्वास हामीलाई छ। हामीलाई विश्वास छ, तपाईंले भ्रष्टाचार र बेथितिहरूलाई जरादेखि नै उखालेर फ्याँक्न कुनै कसर राख्नु हुने छैन खासगरी स्वास्थ्यको क्षेत्रमा। किनभने आम नेपाली जनताको पहिलो सरोकार नै स्वास्थ्य रहेको छ।
 
देशभरिका सरकारी अस्पताल जहाँ आम निमुखा नेपाली जनताले सित्तैमा औषधी उपचार पाउनु पर्ने हो  तिनै स्वयं रोगी र जीर्ण भएर बसेका छन्। राज्य, नेता, स्थानीय गुण्डा तथा माफियाबाट अनैतिक रूपमा परिचालित तथा राजनितिक खेलको मैदान भएको छ। ती अस्पतालको उत्थान तपाईँकै पहलमा अति आवश्यक भइसकेको छ।
 
वीरगञ्ज नेपालको मेरुदण्ड हो, उद्योग, व्यापारको थलो हो। तर, यहाँको नारायणी उपक्षेत्रीय अस्पताल, जो देशकै ठूलो पुरानो अस्पतालमध्ये एक हो। त्यसलाई निरोगी पार्न यसलाई माफियाको महारोगबाट छुटकारा दिलाउन, निमिट्यान्न पार्न सादर अनुरोध गर्दछु। तपाईं आफैंले अग्रता लिएर यहाँ आएर यथार्थ बुझी यसलाई व्यवस्थित गरी दिन हुन हार्दिक आग्रह गर्दछु। सर्वप्रथम यहाँका स्थानीय अस्पताल माफियाहरूको पन्जाबाट छोडाउनु पर्नेछ। नेताहरु पनि यसमा लिप्त छन् केही अपवाद बाहेक।
 
चिकित्सक, स्वास्थ्यकर्मीहरू तथा यिनका सहयोगी र आसेपासेलाई तह लगाउनु पर्नेछ। देशमा नक्कली प्रमाणपत्र भएका नक्कली चिकित्सकहरु भेटिएका छन्। त्यसमा यो ठाउँ पनि अछुतो छैन। तिनीहरूलाई पनि कडा कारबाही जरुरी छ। अब उपरान्त कुनै गरीब जनताले उपचार गर्न नपाएको समाचार बाँकी नरहोस्।
 
जनताको लागि दिइएको निःशुल्क उपचार सेवा सुविधा औषधी बेचेर खाने तथा अनिमियतता गर्नेमाथि कडा कारबाही होस्। सरकार र राज्यबाट नयाँ भवन निर्माण, पुरानोको मर्मत, शौचालय, फर्निचर, उपकरण, नयाँ सेवा सुविधा इत्यादि आवश्यक छ। केही पुराना कर्मचारी, जो वर्षौंदेखि बेथितिलाई बढवा दिइरहेका छन्, तिनीहरूलाई नियमानुसार सरुवा गरिनु आवश्यक छ।
 
मन्त्रीज्यू, तर, यो काम सरल छैन।  यहाँका बेथितिका ठेकेदारले तपाईंको शक्ति र धैर्यको कठिन परिक्षा लिनेछन्। तपाईं र तपाईंको निष्ठा, आत्मस्वाभिमानलाई पटकपटक ठेस पुर्याउने छन्।
यहँको सुधार र परिवर्तन सरल र सहज छैन किनभने यो वीरगंज होइन बिगडलगंज हो। यहाँ तपाईंको विजय कठिन छ तर असम्भव होइन।
 
                                                                         वीरगंज १४, श्रीपुर।
 

प्रतिकृया दिनुहोस

बिज्ञापन

mahindra

विचार

Hundai

किनमेल

vianet

ग्लोबल

कला

अंग्रेजी संस्करणबाट

ब्लग

  • अब रेडलाइट एरिया खोले हुन्न? अब रेडलाइट एरिया खोले हुन्न?

    होटलमा प्रेमी–प्रेमिका होस् या श्रीमान–श्रीमती, महिला–पुरुष देख्नासाथ मिडिया साथै लगेर छापा मार्ने र थुन्ने काम सभ्य समाजका लागि पाच्य हुँदैन। राज्यले प्रहरी–प्रशासनको यस्तो प्रवृत्तिमा अंकुश लगाउनैपर्छ।

    मानवी पौडेल

  • के पर्यटकका लागि सगरमाथा नै चाहिने होर? के पर्यटकका लागि सगरमाथा नै चाहिने होर?

    साना खुद्रे पसलहरु वा रेष्टुरेण्टमा पाउरोटी खाने झोले पर्यटक मात्र लगेर पर्यटन क्षेत्र उभो लाग्छ त? आजको भोलि प्रतिफल खोज्ने क्षेत्र पर्यटन होइन। पर्यटकलाई सुविधा दिएर फाइदा लिने अवस्थामा हामी नभएका कारण अनुभव बेचेर प्रतिफल बढाउनुपर्ने अवस्था नेपाली पर्यटन उद्योगको छ। त्यसैले दिनहुँ जस्तो हुने जात्रा पर्वहरु, सय भन्दा बढी जातिहरुका धर्म, संस्कृति, संस्कारहरुलाई पर्यटनको भाषामा बेचेर लाभ लिन ढिलो गर्नु हुँदैन। विस्तृतमा

     

    सुधन सुवेदी

  • मुसहर वस्तीको साँचो कसलाई बुझाउँछौ, धुर्मुस–सुन्तली? मुसहर वस्तीको साँचो कसलाई बुझाउँछौ, धुर्मुस–सुन्तली?

    टिभी हेर्नेलाई हसाँउथे धुर्मुस–सुन्तली । हामी पनि हाँस्यौं होला । खुसी भयौं होला । काँचको पर्दामा हाँसो फुलाउने यी जोडीलाई बर्दिवासका मुसहरले टिभीमा देखेका थिए–थिएनन्? सधैं गरिबी, अभाव र पीडाले डामिएका ती मुसहरले कहाँ पाएर हेर्दा हुन् टीभी? रहर त कति हो कति हुँदो हो तर बाध्यता? बाध्यता र अभाबभन्दा ठूलो शत्रु के हुन्छ ?र, त्यही काँचका पर्दामा फुल्ने यो जोडीका रङ्गीविरङ्गी फूललाई ? मलाई लाग्छ, बर्दिवासका मुसहरले हाँस्न र खुसी हुन टीभी हेर्नु परेन। आफ्नो बस्तीमा पोतिएको खुसीको रङ् देखर हाँस्न थालेका छन्, अहिले ती।   खुसीको रङ् कस्तो हुन्छ? कठीन छ उत्तर दिन। उत्तर खोज्न बर्दिवासको मुसहर वस्ती नै जानुपर्छ । जहाँ पोतिदै छ, त्यो रङ्।

    शिव प्रकाश

साहित्यपाटी

  • नेपाली पनि नयाँ बनिसके नेपाली पनि नयाँ बनिसके

    ठूलै क्रान्तिको बिगुल फुक्छु भन्थ्यो छोरो

    आफ्नै बिहेमा नरसिंहा फुक्न सकेन

    अर्कैलाई मैले ज्याला तिरेर फुकाउनु पर्‍यो

    सिंगो नेपाल र सप्पै नेपालीको  नेतृत्व गर्छु भन्थ्यो

    मैले जुटाई दिएका दस-बीस जन्तिको नेतृत्व गर्दै दंग पर्‍यो।

    चट्याङ मास्टर

  • दुःख बिर्साउन विदेशिएकी श्रीमती दुःख बिर्साउन विदेशिएकी श्रीमती

    ऊ बेला मुनाले आफ्ना मदनको बाटो छेक्न सकेकी थिइनन्। अहिले मदन हार खाइरहेको छ।’ अन्ततः ऊ ‘केयर गिभर’ को ट्याग भिर्दै इजरायल हान्निएकी थिई।  ‘अहिलेसम्म त केही बिग्रेको छैन। यताको चिन्ता छैन। हरपल मन त्यतै डुलिरहन्छ। छोरीलाई पुरा अवधि स्तनपान गराउन सकिन। आफ्नी आमाका रसिला दुधे स्तन चुस्न आँ गरिरहेकी उसको मुखमा तितेपाती कोचिदिएँ मैले। आधारभूत बालअधिकार समेत उपभोग गर्न पाइन उसले, मेरै कारणले। डर लागिरहन्छ, मलाई भोलि के भन्ली उसले?’

    शिव अर्याल

  • इन्गेजमेन्ट इन्गेजमेन्ट

    अव त्यसपछि मैल बोल्ने केही देखिन, मस्तिष्कमा शुन्यता छायो। तै पनि अन्तिम प्रयत्न गर्दै भनेँ, ‘हेर त्यसो नभन, म त बर्वाद हुन्छु, कसैको अगाडि मुख देखाउनलायक हुन्न, म त मरे पनि हुन्छ। तिम्रो पनि भविष्य ड्यामेज हुन्छ, के सोचेर यस्तो निर्णय गर्यौ?'

    लक्ष्मण अधिकारी

पाठक विचार

  • गगन थापा र विश्वप्रकाशहरुलाई चिठ्ठी !

    क्षमा गर्नुहोला, म कांग्रेसको सदस्य भएका कारण कांग्रेसको गर्विलो इतिहास र शक्तिशाली बर्तमानको विषयमा निश्चय पनि अनभिज्ञ छैन। सँगै देशको समृद्ध भविश्यको राजमार्ग आजको विद्यमान कांग्रेसको काम गर्ने सोच र शैलीले सुनिश्चित गर्न सक्दैन भन्ने कुरामा पनि अनभिज्ञ छैन। नेतृत्वका लक्ष्यहरु सधै आफू केन्द्रित मात्र छन्। सत्ता र शक्ति जोगाउन मात्र नेतृत्वको प्राथमिकताको विषय बन्छ। नेतृत्वसँग न इमान–जमान छ, न विधि र प्रकृया छ, न सपना र कल्पनाशिलता, न समस्याहरुको समाधान गर्नसक्ने कार्यकौशलता छ। त्यसैले महोदयहरु, मेरा अघि देश फेर्नका लागि भनेर कांग्रेस फेरिन्छ कि फेरिदैन भन्ने प्रश्न खडा भएको छ।

    चन्द्र के.सी.

  • भारतीय प्रहरीको गोलीले नेपाली मारिँदा साझा बसमा आगो किन?

    नेपालमा हुने बन्द हड्तालका कार्यक्रममा धेरैजसो आगजनी र तोडफोडका कार्यक्रम सम्भवत: विप्लवले नै आयोजना गरेका बन्दमा हुने गर्छन्। त्यसमा पनि धेरै नोक्सानी मजदुर वर्गले नै खेप्नुपरेको देखिन्छ। चालकलाई ट्याक्सी भित्रै राखेर बाहिरबाट आगो लगाइएका घट्ना समेत हामीले यस्ता बन्द हड्तालमा देखिसकेका छौँ। ती घटनासम्म त मैले पनि  केही लेखिनँ। माओवादी जनयुद्धको समयमा यस्ता आगजनीका घट्ना धेरै देखिएकाले पनि स्वभाविकै ठानियो।

    कृष्णप्रसाद शर्मा

लोकप्रिय

सिफारिस

सूचनापाटी

छापाबाट