स्वास्थ्य मन्त्रीज्यू! सुरूवात यहाँबाट गर्नुहोस्

  • Get News Alerts

माननीय गगन थापाज्यू, तपाईँको जल्दाबल्दा  जनसरोकारका मुद्दामा राम्रो  जानकारी राख्ने अनि यथेस्ट तथ्यांक याद गर्ने खूबीको कारण विशेष गरी युवापुस्तामाझ तपाईँ निकै लोकप्रिय राजनीतिज्ञ हुनुहुन्छ। तर समय फेरिएको छ र  अब तपाईँ केही कुरा भन्ने, अरूले गरेको काममा प्रतिक्रिया दिनेभन्दा पनि जनताको मन छुने कार्यक्षमता प्रस्तुत गर्नुपर्ने पदमा हुनुहुन्छ- स्वास्थ्य मन्त्रीको।
 
तपाईले पदभार ग्रहण गरेको केही दिन भित्रै एउटा महत्वपूर्ण घोषणा गर्नुभएको छ - स्वास्थ्य क्षेत्रमा  सुधार ल्याउने उद्देश्यका साथ १०० दिने  विशेष  कार्ययोजना  तयार गरेर लागू गर्ने। सुन्दा निकै आनन्द लाग्ने अनि हामी जनताको  मनमा अब त केही सुधारको अनुभूत गर्न पाइने आशाको  तीब्र संचार गराउने यस्ता घोषणा यसअघिका लगभग सबै मन्त्रीहरूले गरिसकेका छन्।
 
अवस्था कस्तो छ भने आफ्नो स्वास्थ्य समस्याहरुको पहिचान अनि निराकरण गर्ने क्रममा झुक्याईएको, ठगिएको साथसाथै कहिलेकाही त थर्काइएको पनि चुपचाप सहन जनता बाध्य छौ। किनभने हाम्रो शासनप्रणाली हाम्रा आधारभूत सेवा सुविधा सुनिश्चित गर्ने प्राथमिकताका साथ लागेको महसुस गर्ने अवसरबाट बञ्चित छौं। स्वास्थ्य सेवालाई स्वास्थ्य बजारमा रुपान्तरण गराइएको छ। जसमा सरकारी अस्पतालहरु पनि कटिबद्द देखिएका छन्।
 
जनतालाई साच्चिकै सुधार महसुस गराउन १०० दिने बिशेष कार्ययोजना लागू गर्न लाग्नुभएको हो भने जनस्वास्थ्यमा प्रत्यक्ष सरोकार राख्ने अनि जीवन मरणसम्म असर राख्ने निम्न दुई  समस्या तत्काल सम्बोधन  गर्नुहोला।
 
१.  सरकारी अस्पतालहरुको दुरावस्था  
 
जिल्ला अस्पतालहरुको अवस्था निकै नाजुक  छ। एक तर्फ  दरबन्दीभन्दा निकै कम डाक्टर कार्यरत छन् भने अर्कोतिर डाक्टर भए पनि आवश्यक उपकरण छैनन्।
 
कतिपय जिल्ला अस्पतालमा 'एक्स रे मेशिन' समेत नभएर बिरामीहरु 'ठूला' सहरमा जानुपर्ने वाध्यात्मक अवस्था छ। २ सय रूपैया लाग्ने एउटा एक्स रे गर्न २ हजार रूपैया खर्चिनु परेको छ।
 
मन्त्रीज्यूले  गर्ने पहिलो अस्पताल अनुगमन राजधानीमै रहेका कान्ति बाल अस्पताल वा त्रि वि शिक्षण अस्पतालमा होस जहाँ इमरजेन्सी उपचार पाउन समेत बेड संख्या पुग्दैन।
 
एउटा बेडमा दुई जना बिरामी राखेर उपचार शुरू गर्दा पनि बेड नपाउने कुरा चिन्ताजनक छ। नजिकै रहेको कान्ति बाल अस्पताल इमरजेन्सी बिभागको अवस्था त निकै दयनीय छ। एउटै बेडमा दुई जनासम्म राखेर उपचार थालिएका बच्चालाई अन्यत्र सारेपछि आफ्नो सिकिस्त बिरामी बच्चालाई डाक्टरसामू लग्ने पालो आउला भनेर लाइन लागेर ढोकामा कुर्ने अभिवावकहरुको पीडा सायद हामी सबैले महसुस गर्नसक्छौं।
 
त्यति गरेर बल्लतल्ल  पालो आएपछि डाक्टरले  आवश्यकता अनुसारका  पिसाब परीक्षण ( ७२ घन्टापछि रिपोर्ट आउने Urine Culture ) र  भिडियो एक्स रे (USG) भने  अनि सो दिन सरकारी बिदा वा सरकारी विदाको अघिल्लो दिनको कार्यालय समय पछि पर्‍यो भने त फसादै पर्छ।
 
यस्तै अवस्था मैलेनै अघिल्लो साता भोगेको हो। हामीले शुक्रबार परीक्षणका लागि दिएको पिसाब, रगत लगायतको रिपोर्ट आइतबार बिहान १० बजेसम्म कुर्नु परेको थियो।
 
अझ  रगतमा खराबी (Sepsis) को लक्षण देखियो भने एउटा जटिल परीक्षण गर्नुपर्दो रहेछ टेकुस्थित जनस्वास्थ्य प्रयोगशालामा जसको लागि रगतको नमूना लिन त्यहीका कर्मचारी हरेक बिहान १० बजेपछि आउँदा रहेछन्। तर, सो परीक्षण शुल्क तिर्न कुरूवा स्वयम् टेकु पुग्नु पर्ने बाध्यता रहेछ।
 
‍मन्त्रीज्यूलाई आग्रह - सक्नुहुन्छ भने ती जटिल रगत परीक्षण गर्ने व्यवस्था कान्ति अस्पतालकै प्रयोगशालामा मिलाउनुहोस नत्र कमसेकम टेकु पुगेर शुल्क तिर्नुपर्ने बध्यतालाई अन्त्य गर्नुहोस् र नमूना टेकु लैजादा शुल्क पनि बुझेर लैजान जनस्वास्थ्य प्रयोगशालाका कर्मचारीलाई निर्देशन दिनुहोस्। इमरजेन्सी विभागको बेड क्षमता बढाउनु त अपरिहार्य नै छदैछ।
 
२.  सरकारी अस्पतालको नाफामुखी नियत
 
औषधि उत्पादक कम्पनीबिचको ब्यापारिक प्रतिस्पर्धा अनि मागियो भने औषधी किन्दा केही रकम छुट पाइन्छ भन्ने कुरामा जनता पनि केही हदसम्म जागरुक भएकाले औषधिको खुद्रा मुल्यमा केही छुटको चलन बसेको छ।
 
यसले थोरै भए पनि बिरामीलाई राहत दिएको छ। तर यो चलन पनि ठूला सरकारी अस्पताल बाहिर रहेका फार्मेसीमा (अस्पताल भित्र चाहि अस्पताल आफैले  फार्मेसी सञ्चालन गरेको भए)  मात्रै सिमित छ।
 
यस्तो हुनुमा सरकारी अस्पतालको दोष छ। कारण, तिनले आफ्ना सटर कबलबाट हुने आम्दानी (भाडा) लाई राम्रो श्रोत बनाएका छन्।
 
पछिल्लो समयमा सरकारी अस्पताल भित्रका फार्मेसी सञ्चालकहरुले निकै उच्च सटर भाडादर (वीर, त्रिवि शिक्षण लगायतमा त मासिक लाखौं रुपैया) तिरिरहेका छन् र पक्कै पनि नाफामै होलान्, घाटा लाग्ने गरी लाखौं भाडा तिरेर किन चलाऊलान र! यस्तो अवस्थामा औषधिमा छुट कहाँ पाउने?
 
मंत्रीज्यूलाई आग्रह-  सरकारी अस्पताललाई एउटा सेवामुखी नियमले बाध्नुहोस् - सटर भाडामा लगाउने बेलामा भाडा रकममा होइन छनोट हुनेवाला संचालक फार्मेसी चलाउन पाए भने बिरामीलाई औषधिको प्रकार हेरेर कति प्रतिशतसम्म छुट दिन सक्छन् भनेर बढाबढ गराउने व्यवस्था लागू गराउनुहोस्। उनीहरूले दिनसक्ने छुट प्रतिशतको जानकारी  सेवाग्राहीले देखने गरी उचित स्थानमा राख्न लगाउनुहोस्।  
 
अहिलेलाई यी दुइ वटा कुरा संबोधन गरेर यथाशीघ्र  जनताले गगन थापासंग राखेका अपेक्षा पूरा गर्ने जिम्मेवारी वहनको औपचारिक सुरुवात गर्नुहोस्। भोलिका दिनमा म जस्ता सयौंले यसरी नै आव्हान गर्नेछन् किनकी, तपाइँले गरेको सकारात्मक सुरुवातले जनतालाई तरंगित बनाउनेछ। तरंगित यस अर्थमा कि उनीहरूले दशकौं पछि आफ्ना समस्याहरुलाई सम्बोधन गर्ने राजनेता पाएका हुनेछन्।  

प्रतिकृया दिनुहोस

बिज्ञापन

mahindra

विचार

Hundai

किनमेल

vianet

ग्लोबल

कला

अंग्रेजी संस्करणबाट

ब्लग

  • अब रेडलाइट एरिया खोले हुन्न? अब रेडलाइट एरिया खोले हुन्न?

    होटलमा प्रेमी–प्रेमिका होस् या श्रीमान–श्रीमती, महिला–पुरुष देख्नासाथ मिडिया साथै लगेर छापा मार्ने र थुन्ने काम सभ्य समाजका लागि पाच्य हुँदैन। राज्यले प्रहरी–प्रशासनको यस्तो प्रवृत्तिमा अंकुश लगाउनैपर्छ।

    मानवी पौडेल

  • के पर्यटकका लागि सगरमाथा नै चाहिने होर? के पर्यटकका लागि सगरमाथा नै चाहिने होर?

    साना खुद्रे पसलहरु वा रेष्टुरेण्टमा पाउरोटी खाने झोले पर्यटक मात्र लगेर पर्यटन क्षेत्र उभो लाग्छ त? आजको भोलि प्रतिफल खोज्ने क्षेत्र पर्यटन होइन। पर्यटकलाई सुविधा दिएर फाइदा लिने अवस्थामा हामी नभएका कारण अनुभव बेचेर प्रतिफल बढाउनुपर्ने अवस्था नेपाली पर्यटन उद्योगको छ। त्यसैले दिनहुँ जस्तो हुने जात्रा पर्वहरु, सय भन्दा बढी जातिहरुका धर्म, संस्कृति, संस्कारहरुलाई पर्यटनको भाषामा बेचेर लाभ लिन ढिलो गर्नु हुँदैन। विस्तृतमा

     

    सुधन सुवेदी

  • मुसहर वस्तीको साँचो कसलाई बुझाउँछौ, धुर्मुस–सुन्तली? मुसहर वस्तीको साँचो कसलाई बुझाउँछौ, धुर्मुस–सुन्तली?

    टिभी हेर्नेलाई हसाँउथे धुर्मुस–सुन्तली । हामी पनि हाँस्यौं होला । खुसी भयौं होला । काँचको पर्दामा हाँसो फुलाउने यी जोडीलाई बर्दिवासका मुसहरले टिभीमा देखेका थिए–थिएनन्? सधैं गरिबी, अभाव र पीडाले डामिएका ती मुसहरले कहाँ पाएर हेर्दा हुन् टीभी? रहर त कति हो कति हुँदो हो तर बाध्यता? बाध्यता र अभाबभन्दा ठूलो शत्रु के हुन्छ ?र, त्यही काँचका पर्दामा फुल्ने यो जोडीका रङ्गीविरङ्गी फूललाई ? मलाई लाग्छ, बर्दिवासका मुसहरले हाँस्न र खुसी हुन टीभी हेर्नु परेन। आफ्नो बस्तीमा पोतिएको खुसीको रङ् देखर हाँस्न थालेका छन्, अहिले ती।   खुसीको रङ् कस्तो हुन्छ? कठीन छ उत्तर दिन। उत्तर खोज्न बर्दिवासको मुसहर वस्ती नै जानुपर्छ । जहाँ पोतिदै छ, त्यो रङ्।

    शिव प्रकाश

साहित्यपाटी

  • नेपाली पनि नयाँ बनिसके नेपाली पनि नयाँ बनिसके

    ठूलै क्रान्तिको बिगुल फुक्छु भन्थ्यो छोरो

    आफ्नै बिहेमा नरसिंहा फुक्न सकेन

    अर्कैलाई मैले ज्याला तिरेर फुकाउनु पर्‍यो

    सिंगो नेपाल र सप्पै नेपालीको  नेतृत्व गर्छु भन्थ्यो

    मैले जुटाई दिएका दस-बीस जन्तिको नेतृत्व गर्दै दंग पर्‍यो।

    चट्याङ मास्टर

  • दुःख बिर्साउन विदेशिएकी श्रीमती दुःख बिर्साउन विदेशिएकी श्रीमती

    ऊ बेला मुनाले आफ्ना मदनको बाटो छेक्न सकेकी थिइनन्। अहिले मदन हार खाइरहेको छ।’ अन्ततः ऊ ‘केयर गिभर’ को ट्याग भिर्दै इजरायल हान्निएकी थिई।  ‘अहिलेसम्म त केही बिग्रेको छैन। यताको चिन्ता छैन। हरपल मन त्यतै डुलिरहन्छ। छोरीलाई पुरा अवधि स्तनपान गराउन सकिन। आफ्नी आमाका रसिला दुधे स्तन चुस्न आँ गरिरहेकी उसको मुखमा तितेपाती कोचिदिएँ मैले। आधारभूत बालअधिकार समेत उपभोग गर्न पाइन उसले, मेरै कारणले। डर लागिरहन्छ, मलाई भोलि के भन्ली उसले?’

    शिव अर्याल

  • इन्गेजमेन्ट इन्गेजमेन्ट

    अव त्यसपछि मैल बोल्ने केही देखिन, मस्तिष्कमा शुन्यता छायो। तै पनि अन्तिम प्रयत्न गर्दै भनेँ, ‘हेर त्यसो नभन, म त बर्वाद हुन्छु, कसैको अगाडि मुख देखाउनलायक हुन्न, म त मरे पनि हुन्छ। तिम्रो पनि भविष्य ड्यामेज हुन्छ, के सोचेर यस्तो निर्णय गर्यौ?'

    लक्ष्मण अधिकारी

पाठक विचार

  • गगन थापा र विश्वप्रकाशहरुलाई चिठ्ठी !

    क्षमा गर्नुहोला, म कांग्रेसको सदस्य भएका कारण कांग्रेसको गर्विलो इतिहास र शक्तिशाली बर्तमानको विषयमा निश्चय पनि अनभिज्ञ छैन। सँगै देशको समृद्ध भविश्यको राजमार्ग आजको विद्यमान कांग्रेसको काम गर्ने सोच र शैलीले सुनिश्चित गर्न सक्दैन भन्ने कुरामा पनि अनभिज्ञ छैन। नेतृत्वका लक्ष्यहरु सधै आफू केन्द्रित मात्र छन्। सत्ता र शक्ति जोगाउन मात्र नेतृत्वको प्राथमिकताको विषय बन्छ। नेतृत्वसँग न इमान–जमान छ, न विधि र प्रकृया छ, न सपना र कल्पनाशिलता, न समस्याहरुको समाधान गर्नसक्ने कार्यकौशलता छ। त्यसैले महोदयहरु, मेरा अघि देश फेर्नका लागि भनेर कांग्रेस फेरिन्छ कि फेरिदैन भन्ने प्रश्न खडा भएको छ।

    चन्द्र के.सी.

  • भारतीय प्रहरीको गोलीले नेपाली मारिँदा साझा बसमा आगो किन?

    नेपालमा हुने बन्द हड्तालका कार्यक्रममा धेरैजसो आगजनी र तोडफोडका कार्यक्रम सम्भवत: विप्लवले नै आयोजना गरेका बन्दमा हुने गर्छन्। त्यसमा पनि धेरै नोक्सानी मजदुर वर्गले नै खेप्नुपरेको देखिन्छ। चालकलाई ट्याक्सी भित्रै राखेर बाहिरबाट आगो लगाइएका घट्ना समेत हामीले यस्ता बन्द हड्तालमा देखिसकेका छौँ। ती घटनासम्म त मैले पनि  केही लेखिनँ। माओवादी जनयुद्धको समयमा यस्ता आगजनीका घट्ना धेरै देखिएकाले पनि स्वभाविकै ठानियो।

    कृष्णप्रसाद शर्मा

लोकप्रिय

सिफारिस

सूचनापाटी

छापाबाट