गएको साता ह्यात रिजेन्सीमा भएको दीक्षान्त समारोहमा गुञ्जिएकी नायिका केकी अधिकारी र फिलाडेल्फियामा गुञ्जिएकी मिसेल ओबामाले नेपालका सामाजिक सञ्जालदेखि लिएर न्युजपोर्टल, छापामा मनग्य स्थान पाए। शून्यबाट शुरु गरेर अन्त सम्म पुग्ने साहस गुमाएकी छैन भनेर अधिकारीले दाबी गरिरहँदा फिलाडेल्फियामा मिसेल ओबामाले अमेरिकी डेमोक्रेटिक नेसनल कन्भेसनलाई सम्बोधन गर्दै हिलारी क्लिनटनले आफ्ना २ छोरीहरु र अमेरिकाका सम्पूर्ण बालबालिकालाई अमेरिकाको राष्ट्रपति महिला बन्न सक्छ भन्ने सम्भाबना देखाएको उल्लेख गरिन्।
राजनितीक विश्लेषकबाट पनि प्रशंसा बटुलेको मिसेल ओबामाको सो भाषणलाई डेमोक्र्याटिक नेसनल कन्भेसनको ऐतिहासिक भाषण भनेको छ। भाषणपछि द न्यूर्योक डेली न्युजले तत्कालै आफ्नो कभर परिवर्तन गरेर ‘द लेडी इज हर च्याप’ भन्दै मिसेलको तस्बिर प्रकाशन गरेको थियो।
यता नायिका अधिकारीले उपराष्ट्रपति नन्दबहादुर पुनको हातबाट स्नातकोत्तर तहको प्रमाणपत्र लिएपछि न्यूजपोर्टल केकीमय बने। कलिउड ‘सेमी लिटरेटहरुको’ झुण्ड भन्ने स्टेरियोटाइपलाई केकीले अपडेट गरेकी छन्। यसर्थ उनको एमबीए डिग्रीको चर्चा हुनु सान्दर्भिक छ। तर जसरी ब्यस्तता र पारिवारिक आर्थिक पृष्ठभूमिमा उनको डिग्रीको ‘ग्लोरिफाई’ गरिएको छ त्यसले हम्बल ब्याकग्राउन्डबाट संघर्ष गर्दै मास्टर्स डिग्री लिने युवतीहरुलाई भने गिज्याएको छ।
राजधानीमा आफ्नै घरमा प्रारम्भिक शिक्षा अंग्रेजीमा लिने व्यक्ति नेपालको सन्दर्भमा प्रिभिलेज्ड ग्रुपमा नै पर्छन्। आफ्नै बुबा प्रिन्सिपल, आफ्नै घरमा बोर्डिङ, अंग्रेजीमा स्कुलिङ र पछि मिडियाबाट समेत प्रिभिलेज पाएकी केकीले डिग्री लिनु कुनै ‘हेडवे’ होइन। नेपाली फिल्म उद्योगमा शिक्षित र बौद्धिक सर्कलका व्यक्ति पनि संलग्न छन् भन्ने कुरालाई केकीको डिग्रीले ठोस प्रमाण पेश गरे पनि उनी ‘फाइटर हिरोइन’ होइनन्। उनले डिग्री लिन चुनौती र संघर्षभन्दा पनि समयको व्यवस्थापन गरिन्। यसर्थ उनी गुड टाइम म्यानेजर हुन्।
असाइनमेन्ट पुरा गर्दा छर्लंग रात काटेको र डार्क सर्कल त्यसैको परिणामस्वरूप आएको बताएकी केकीले त मेकअप र लाइटले आफ्नो डार्क सर्कल लुकाउन सक्छिन्। तर यहा डेडलाइन मिट गर्न खाना नै नखाई (जो एक्लो बस्छन्) रात भर बसेर असाइन्मेन्ट पुरा गरेर डिग्री लिने युवतीहरु प्नि छन् जो डार्क सर्कल लुकाउने मेकअप गर्न नसक्ने वा नभ्याउने अवस्थामा छन्। यस्ता आर्थिक चुनौती र समय अभाव र समस्याका माझ पनि सम्भावना देखेर युनिभर्सिटीसम्म पुग्ने युवतीका कथा केकी जत्तिकै सुन्दर छन्। मिडियाले यी सुन्दर कथालाई एक्सपोज गरिदने हो भने धेरै प्रेरित हुन सक्छन्।
कोसिस गर्नेहरु कहिल्यै हार्दैन भन्दै केकीले कवि हरिवंश राय बच्चनको कविताका पंक्ति करिब ८ मिनेट लामो ग्य्राजुयसन भाषणमा ४ पटक दोहोर्याइन् जस्ले एक किसिमको उर्जा सबैमा ‘ट्रिगर’ गर्छ तर केकीको एमबिए डिग्रीले आम युवतीलाई कुनै प्रेरणा दिँदैन। मिसेल ओबामाले भने जस्तो हिलारी क्लिनटनले सिम्वोलिक लेभलमा अमेरिकामा राष्ट्रपति महिला बन्न सक्छन् भन्ने सम्भावना देखाएकी छन्। क्लिन्टनको नोमिनेसनले अमेरिकामा कुनै ‘पाराडाइम सिफ्ट’ नल्याए पनि एउटा सन्देश प्रवाह गर्छ कि सबै अवरोध ढल्ल सक्छन् जसले सबैको बाटोअघि रहेका अवरोधलाई क्लियर गर्छ।
केकीले एमबिए डिग्रीले लिएपश्चात यो डिग्री मैले कसैलाई बाँड्न नपर्ने भन्दै फेसबुक स्टाटस अपडेट गरिन्। उनले भने जस्तै केकीको डिग्रीले उनको व्यक्तिगत जीवनमा महत्व राख्ला, नेपाली फिल्म उद्योगलाई लाग्दै आएको परपेच्युल आरोपलाई क्लियर गर्ला तर आम मिडियामा प्रचार गरिएको जस्तो इन्सपायरिङ डिग्री भने होइन।
