सेतोपाटी डट कममा माधवकुमार नेपालको अन्तर्वार्ता प्रकाशित भएको रहेछ। उहाँले मेरो नाम किटानी गरि भन्नुभएछ, 'हजुर प्रधानमन्त्री बन्दिनुपर्यो, प्रधानसेनापति प्याराजंग थापाको सन्देशवाहक बनेर वीरेन्द्रबहादुर बस्नेतले भने।'
यसमा मेरो भनाई यस्तो छः
भर्खरै राजाले प्रधानमन्त्री शेरबहादुर देउवालाई बर्खास्त गरि संकटकाल हटाउनु भएको थियो। सम्पूर्ण व्यापारिक संघ संस्थाहरुले अब नेपालको विद्यमान समस्या समाधान गरेर आर्थिक उन्नति हुन्छ भन्ने आशाले पत्रपत्रिकाहरुमै विज्ञापन छापेर आ–आफ्ना हर्ष व्यक्त गरेका थिए।
तत्कालिन प्रधानसेनापति प्याराजंग थापासँग मेरो पारिवारिक सम्बन्ध छ। उहाँले मलाई बोलाएर 'यस परिस्थितिमा प्रधानमन्त्रीको पद माधव कुमार नेपालज्यूले सम्हाल्न चाहनुहुन्छ कि' भनेर बझु्न आग्रह गर्नुभयो।
नेपालज्यूलाई म त्यतिखेर व्यक्तिगत रुपमा नचिन्ने भएकोले मेरा मित्र गोकर्ण विष्टलाई अनुरोध गरे। नेपाललाई भेटी जनरल थापाको आग्रह उहाँ सामु राखिदिएको हुँ।
नेपालले 'आफ्ना शर्तहरुमा छलफल भई चित्त बुझेको खण्डमा विचारणीय हुनेछ' मात्र भन्नु भएको हो।
सोही कुरा मैले जनरल थापालाई सुनाइदिएँ। त्यही दिन दिउँसो लोकेन्द्रबहादुर चन्द प्रधानमन्त्री नियूक्त हुनुभयो ।
वीरेन्द्रबहादुर बस्नेत
व्यवसायी