भारतीय पूर्वपोर्नस्टार सन्नी लियोन किन चर्चित भइन्? नग्न फोटोसुट र एक पोर्नस्टार भएकीले।
के नेपाली समाजमा पूर्वपोर्नस्टार लियोनले जस्तै नग्न शरीर देखाउने र पोर्नस्टार बन्ने सपना साकार होला? समाजलाई पाच्य होला?
सामाजिक सञ्जालमा अर्ध–नग्न तस्बिर पोष्ट गर्दै एकाएक चर्चामा आइन् अर्चना पनेरु। उनले लगातार पोष्ट गर्न थालेपछि सामाजिक सद्भाव भड्काएको तथा अश्लिलता फैलाएको आरोपमा उनलाई प्रहरीले पक्राउ समेत गर्यो।
यी हाम्रै नेपालकी एक आमा हुन्, जो छोरीलाई पोर्नस्टार बनाउन चाहन्छिन्। उनले हदभन्दा अगाडि बढ्दै कलिली छोरीलाई नंग्याएर आफैँले फोटोसुट गर्दै आएकी छन्। जब कुनै आमाले आफ्नी छोरीलाई सन्नी लियोनीजस्तै बनाउँछु भन्छिन् भने सोचौं नेपाली समाज कतिसम्म मोर्डन भइसकेछ।
आमा सुनिता पनेरु खुलेआम भन्छिन्, छोरीको सपना साकार बनाएरै छाडछु। यी किशोरीमा कसरी पोर्नस्टार बन्ने भूत सवार भयो, नबुझेर या चर्चामा आउन या प्रपोगण्डा मच्चाउन।
हो सर्बाधिक बजारमा चर्चामा आएको छ यो बिषय। त्यसो त उनको यस्ता कुरालाई मिडियाले यति धेरै प्राथमिकता दिएका छन् कि त्यसको कुरा गरेर साध्य छैन।
उनको आत्मबल बढ्नु मिडियाले उचालेर नै हो। पोर्न स्टार जो शब्द पश्चिबाट आएको हो जो पारदर्शी कपडामा समाजमा प्रस्तुत हुनु हो। एकथरी भन्छ्न कि हाम्रो समाज पितृसत्तात्मक समाज हो जो पुरुषले जे गरेपनि समाचार बन्दैन। महिलाले सामान्यरुपमा नौलो रुपमा प्रस्तुत हुँँदा समाज बिभिन्न रुप रंग र कोणबाट कुरा काटिरहेको हुन्छ। तर आज त्यै समाज नारीमाथि किन यौन शोषण भइरहेको छ?
त्यसको खोजी गर्दैन तर जो गोप्य राखिएको हुन्छ, छोपिएको हुन्छ। त्यसमा के लुकेको हुन्छ भनी नयाँ पुस्ता खोज र अनुसन्धान गर्ने नाममा हरेक अंगप्रत्यंगका खोज तथा अनुसन्धान गर्न लागेको हुन्छ र अन्तमा नारी यौन सिकार बन्न पुग्छिन्। आजका युवा खोज तथा अनुसन्धानका नाममा समाजलाई पाच्य नहुने व्यवहारबाट मुक्त गराउनु पर्दछ। पश्चिमा संस्कृति भित्राउने नाममा पोर्न स्टार बन्न रहर गरेका र बनाउन उक्साउने तत्वलाई तिरस्कृत गर्नु पर्दछ। अर्को अर्थमा मिडियामा काम गर्नेको संख्या नै धेरै भयो त्यसमा पनि आफ्नो पेशाप्रतिको इमानदारिता र धर्म छैन।
जस्तोसुकै समाचारलाई पनि हाइलाइट गर्नाले नचाहिने समाचारले ठाउँ पाएको छ। पश्चिमा मुलुकमा खासै महत्व नराख्ने पोर्नस्टारको समाचार यहाँ पनि महत्व नदिएकै राम्रो। आज गुगलको रेकर्डमा सगरमाथा चीनमा पर्यो, बिश्व समुदायलाई गौतम बुद्ध नेपालको हुन् भन्ने प्रचार गर्न छाडेर भित्तामा कसको बिकिनी आयो कति कामुक छ भन्दै नांगा तस्बिीर प्रचार गर्न तछाडमछाड गर्दै छन्, नेपाली मिडिया।
नेपाली मिडियामा भट्टी पसलमा रंगीन क्लबमा जन्मिएका अर्चनाको खोजी गरी रचनात्मक काम गर्ने ऊर्जा थप्नु पर्छ। न कि कहिले हेर्न पाउँछौ जस्ता ऊर्जाशील प्रश्न। सबै दोष मिडियालाई दिनुअघि एक पटक आफ्नो गाउँलाई फर्केर हेर्न जरुरी छ। राजनीतिक अस्थिरता र मुलुकको संक्रमणकालीन स्थितिको फाइदा लुट्ने मिडिया होइनन्। मिडियालाई प्रयोग गर्नेका जालो सरकार एवं राज्य संचालकसँग जोडिएको छ। राज्यले दर्ता गर्ने मिडियालाई राज्यले गुणस्तर तथा स्तरोन्नतिका लागि लगाब दिँदैन। मिडिया समाज र देशको लागि उत्तरदायी हुनु पर्छ। नेपालमा मिडियामा ब्यापारिक सोच बढी छ।
मिडियाले अर्चनाको बिषयमा चासो नदिएको भए कसरी यति चर्चा हुन्थ्यो? हुँदैनथ्यो।
यो बिषयलाई त महिला सन्जालले पनि बिरोध जनाउनुपर्छ। ठुला ठुला पदमा हुने महिला नेतृलाई पनि अर्चनासम्म नजर पुर्याउने कोसिस मिडियाले देखाउनु पर्छ भन्ने लाग्छ।