गल्ती जो कोहीबाट जुनसुकै स्थानमा जसरी पनि हुन जान्छ। जानेर गरिएको गल्ति क्षमायोग्य हुँदैन। अन्जानमा गरिएको गल्ति माफीको लायक हुन्छ।
केही समय अगाडि नेपाली चलचित्र जगतकी नायिका सुवेच्छा थापाले चर्चाका लागि बौद्ध धर्माबलम्बीहरुको पवित्र मानिने खादाले यौनांग ढाकेर फोटोसुट गरिन्।
जसका कारण नेपाल चलचित्र कलाकार सघंले उनलाई ६ महिनासम्म चलचित्र सम्बन्धि कुनै पनि क्रियाकलापमा सहभागी हुन नपाउने गरी निलम्बन गरेको छ।
जुन गर्नैपर्छ। यो अत्यन्तै स्वागतयोग्य कार्यको थालनी हो। यस्ता कार्यबाट गल्ति पुन:दोहोरिने मौका कम हुदै जान्छ। आज चलचित्र जगतमा मात्र होइन अन्य विविध क्षेत्रमा कारबाहीको उतिकै आवश्यक छ।
कलाकार भनेका राष्ट्रका गहना र ढुकुटी हुन्। उनीहरू समाजका ऐना हुन्। उनीहरूबाट समाज र राष्ट्रले सदैव राम्रा कार्यको अपेक्षा गरिरहेको हुन्छ। एउटा सामान्य अनपढलाई खादाको मूल्य र महत्वको बारेमा अवगत हुन्छ भने नायिका जस्तो मान्छेलाई कुन बस्त्र कुन प्रयोजनको लागि कसलाई कहाँ र कसरी सम्माजनक रुपमा प्रयोग गर्नुपर्छ भन्ने सामान्य जानकारी हुनुपर्ने हो।
हामी आम दर्शकले तपाईँहरूको नग्नतालाई होइन सुबेच्छा थापा जी कलालाई सम्मान र पूजा गर्छौ। राम्रो कलाकारिताको प्रसंसा गर्छौ। कलाकार भनेका सधै मूल्यमान हुन्छन्। जसबाट समाजले राम्रा कुरा सिक्न पाउनुपर्छ।
नेपाली चलचित्र क्षेत्रमा हिजो आज नांगिने लहरको बाढी आएको छ। सुबेच्छा थापा एउटा उदाहरणको पात्र मात्र बन्न पुगेकी छन्। कलाकारले आफूमा भएको प्रतिभा निखारेर दर्सकसामू पस्किन सक्नुपर्छ।
यसअघि पनि उनले माछाले बक्षस्थल ढाकेर चर्चामा आएकी थिइन्।
यस्तै कलाकारहरुले गर्दा चलचित्र क्षेत्र बदनाम भएको छ। यसलाई बचाउने को हो? आखिर हामीहरु आफैं होइनौ र? आ - आफ्नो काम र पेसाको आ-आफैले सम्मान र बचाबट गर्न सक्यौ भने मात्र ईज्जतपूर्वक जिउन सकिन्छ।
काम गर्नुभन्दा अगाडि सोचेको भए आज थापाजस्ता कलाकारले ग्लानीको महसुस गर्नु पर्दैन थियो। यसैले तपाई हामी सबै काम गर्नु अगावै सोच्ने बानी बसालौं।
