प्रधानमन्त्री सुशील कोइरालाले चिकित्सा क्षेत्रको विकृति रोक्न सरकारसँग बिभिन्न माग राख्दै केहि दिनदेखि अनशनरत ‘डाक्टर गोविन्द केसी मरे भने मैले के गर्ने त?’ भन्ने तुच्छ अभिब्यक्ति दिएछन्!
तपाईंले केहि नगर्ने प्रधानमन्त्री ज्यु तपाईँमा केहि गर्ने तागत छ र? तपाईँ आफै अरुको साहारामा बाचिरहनु भको छ! तपाईँ शारीरिक हिसावले कमजोर मात्र होइन, मानसिक अवस्था पनि कमजोर हुँदै गइरहेको छ! त्यसैले त देशका होनाहार डाक्टर मरे भने मैले के गर्ने भनेर आफ्नो मानसिक अवस्था ठीक नभएको कुराको प्रस्ट रुपमा संकेत गर्नुभयो।
तपाईँले देश र जनताहरुको लागि केहि पनि नगर्नुस् मेडिकल क्षेत्र ध्वस्त पार्न तल्लिन माफियासँग मिलेर आफ्नो कुर्सी जोगाउनुस्। जनताहरुले तिरेको कर आफ्ना पार्टीका कार्यकर्तालाई बाड्नुस् ! गरिब प्रधानमन्त्रीको रेकर्ड राख्नु भको छ क्यारे अब सबैभन्दा धेरै सुत्ने प्रधानमन्त्रीको रेकर्ड बनाउनुस्।
गोरखा फुजेलका नन्दप्रसाद अधिकारी अनशनमै मरे त्यतिबेला पनि तपाईँले केहि गर्नु भएन। मेरै पालामा धेरै भ्रस्टचार बढ्यो भन्दै देशको प्रधानमन्त्री जस्तो मान्छेले लाचारी देखाएर भ्रस्टचार रोक्न कुनै कदम नचालेको पनि हामी जनतालाई थाहा छ।
***
जनताहरुले राणा शासन भोगे, पञ्चायत भोगे, माओवादीको सशस्त्र द्वन्द्व भोगे अब अहिले आएर संक्रमणकाल भोग्दै छन्। कमै नाम सुनिएको यो संक्रमणकाल त सबैभन्दा खतरा रहेछ बलात्कार पनि सामान्य हुने, केटाकेटीहरुले भाडा कुटि खेल खेले जस्तो होइन त गृहमन्त्री ज्यू?
***
गृहमन्त्री ज्यु तपाईँको आफ्ना कोहि चेलिबेटीहरु छैनन्? बलात्कारीले पाए भने तपाईँको चेलिबेटी र तपाईँको आफन्तलाइ समेत छोड्दैनन् भन्ने कुरा थाहा छैन तपाईँलाई ? कि तपाईँको आफन्तमाथि बलात्कार भयो भने संक्रमणकालको सामान्य कुरा हो भनेर चित्त बुझाउनु हुन्छ?
तपाइको एकपछि अर्को बिवादास्पद अभिब्यक्ति देख्दा तपाईँको पनि दिमाग ओरालो लागेको जस्तो देखिन्छ।
***
गृहमन्त्री जी ,देशमा सक्षम जनशक्ति नभएकाले गर्दा अध्यागमन बिदेशीलाई ठेक्कामा दिन लाग्नु भएको भन्ने कुरा पनि सुनियो। के साच्चिकै देशमा सक्षम जनशक्ति नै नभएका हुन् त? अवसर पाएमा चन्द्रमामासम्म गएर देखाइदिने होनहार नेपाली युवालाई २/४ महिना तालिम दिएर सिकाएपछि कम्प्युटर मार्फत हुने अनलाइन भिसा इन्ट्रि प्रणाली सिक्न नसक्ने हुनत्?
तपाईँले नेपालमा सक्षम जनशक्तिहरुको खोजि गर्नु भो कि भएन त? कि सबै नेपालीलाई आफ्ना केही सिमित कार्यकर्ता जस्तै कम्प्युटरको विषयमा ‘लठैत’ छन् भन्ने ठान्नु भयो?
***
नेताहरू पो सामान्य नेपालमै ठीक हुने नेपाली डाक्टरले नै निको पार्न सक्ने रोग समेत नेपाली डाक्टरहरुको बिश्वास नलागेर बिदेश उपचार गराउन हुत्तिन्छन्! बिदेशमा काम गर्ने कैयौ नेपालीहरू बिदेसी डाक्टरको उपचार पछि ठीक नभएर नेपाल आएर नेपाली डाक्टरको उपचार पछि ठीक भएर फेरी बिदेश काम गर्न जान्छन्।
त्यसैले गरिब जनताहरु र बुद्दिजिविहरु नेपालको स्वास्थ्य क्षेत्र तहसनहस भएको देख्न नसकेर स्व-स्फुर्त डा.केसीको पछि लागेका छन्।
***
प्रधानमन्त्री ज्यु तपाईँ नेपालको सबैभन्दा ठूलो लोकतान्त्रिक पार्टीको सभापति भइसक्नु भयो , देशको प्रधानमन्त्री पनि बन्नुभयो। तर, गरिब प्रधानमन्त्रीको रूपमा नाम आउने तपाईँले गरिब जनताहरुकै पक्षमा लडेका डाक्टर केसीको मागको विषयमा किन उपेक्षा गर्नु भो? २४ सै घण्टा डाक्टरहरुको निगरानीमा बस्न पर्ने तपाईँ आफैले यस्तो गैर जिम्मेवार अभिब्यक्ति दिन मिल्छ? डाक्टरलाई मरोस् भनेर भन्ने तपाइको अभिब्यक्ति आफैमा खेदजनक छ।
***
तपाईँको लागि केसी मरे पनि केही नहोला। किनकि, केसी एउटा ब्यक्तिले तपाईँको सत्ता हल्लाइसकेका छन्। तपाईँलाई केसी बाच्नु भन्दा मरेकै ठीक होला। तर, हामी जनतालाईँ हामीले तिरेको कर जुन विकाशमा खर्च हुन पर्थ्यो, जुन स्वास्थ्य क्षेत्रमा खर्च हुन पर्थ्यो। त्यस्तो पैसा तपाईँको स्वास्थ्य उपचारमा किन खर्च गर्ने?
तपाइ बाच्नु र मर्नुमा केहि फरक छैन भन्यौ भने के होला?
***
संक्रमणकालमा बलात्कार सामान्य हो भनेर अभिब्यक्ति दिने गृहमन्त्री र डाक्टर गोविन्द केसी मरे मैले के गर्नु? भन्ने भनेर अभिब्यक्ति दिने प्रधानमन्त्री। तपाईँहरू चै किन जनताहरुको करले आफ्नो उपचार गर्ने विदेश जानुहुन्छ?
बिना स्वार्थ गरिब दुःखि बाहेक अरु केहि नदेखेका भगवान रूपी योग्य र होनहार डाक्टर केसीको ज्यानको हामी जनतालाई धेरै माया छ।
***
खबरदार देशका माफियाहरु हो! संक्रमणकाल लम्बाएर केसीलाई केहि भयो भने जनता चुप लागेर बस्दैनन्! तुरून्त केसीको सबै जायज माग सम्बोधन गर!
डाक्टर केसी जिन्दाबाद! जिन्दावाद!
