केन विलियम्सन पहिलो खेलमै उत्कृष्ट खेलाडी, हैदराबाद १५ रनले विजयी

चुनाव
  • Get News Alerts

आइपिएल
tata

भुवनेश्वर कुमारको अर्को प्रभावशाली बलिङका कारण सनराइजर्स हैदराबादले आफ्नो घरेलु मैदानमा दिल्ली डेयरडेभिल्सलाई १५ रनले पराजित गरेको छ। हैदराबादले पहिलो इनिङमा ४ विकेटको क्षतिमा बनाएको १ सय ९१ रनलाई पछ्याउने क्रममा दिल्ली ५ विकेटको क्षतिमा १ सय ७६ रनमा खुम्चियो। यो नतिजासँगै हैदराबाद ६ मध्ये ४ खेल जितेर आइपिएलको अंक तालिकामा दोस्रो स्थानमा उक्लिएको छ। दिल्ली ५ मध्ये तेस्रो खेल हारेर पनि चौथो स्थानमै छ।

आज हैदराबादलाई विजय दिलाउन दशौं आइपिएलको पहिलो खेल खेलिरहेका न्युजिल्यान्डका ब्याट्सम्यान केन विलियम्सन र हैदराबाद रणजी ट्रफीका तीब्र बलर मोहम्मद सिराज दुवैले उत्कृष्ट प्रदर्शन गरे। बाँकी काम भुवनेश्वर कुमारले गरे। दशौं आइपिएलको ५ खेलमा १५ विकेट लिइसकेका भुवनेश्वर पहिलो पल्ट विकेट बिहिन बने। तर, उनले एउटा पनि छक्का नखाई ४ ओभरमा २९ रन मात्र खर्चे।

दिल्लीलाई जित दिलाउन युवा ब्याट्सम्यान सञ्जु सामसन, करुण नायर र श्रेयष एैयरले कडा मेहनत गरेका थिए। तर, अनुभवको कमीका कारण उनीहरु असफल रहे। प्रारम्भिक ब्याट्सम्यान सामसनले २ छक्का र ३ चौकाको सहयोगले ३३ बलमा ४२ रन बनाए। नायरले २३ बलमा ३३ र मध्यक्रममा एैयरले २ छक्का र ५ चौकाको सहयोगले ३० बलमा ४९ रन बनाउदै खेल तान्ने प्रयास गरेका थिए।

एञ्जेलो म्याथ्युसले २५ रन बनाए पनि खासै केही गर्न सकेनन्। सिराजले दिल्लीका दुई प्रभावशाली ब्याट्सम्यान साम बिलिङ्स (१३) र सामसनको विकेट लिए।

यसअघि हैदराबादका लागि विलियम्सनले ५ छक्काको सहयोगले ५१ बलमा ८९ रन बनाका थिए। कप्तान डेभिड वार्नर आइपिएलको पछिल्लो १७ खेलपछि पहिलो पल्ट दोहोरो अंक छुन नसकेको अवस्थामा विलियम्सनले ३३ बलमा अर्धसतक पुरा गर्दै बिस्फोटक सुरुवात गरेका थिए। उनले प्रारम्भिक ब्याट्सम्यान शिखर धवनसँग मिलेर ७० बलमा सतकीय साझेदारी गरेका थिए।

धवनले पनि ५० बलमा १ छक्का र ७ चौकाको सहयोगले ७० रन बनाएका थिए। वार्नर ४ रन बनाएर आउट भएको स्थितिमा यी दुवैले टिमलाई सम्हालेका थिए। विलियम्सनले पावरप्ले हटेपछि ३७ बलमा ७७ रन हिर्काएका थिए।

युवराज सिंहको २ सय टि–२० खेल रहेको यो खेलमा उनले खासै राम्रो ब्याटिङ गर्न सकेनन्। उनी ३ रन बनाएर आउट भए। मोएसेस हेनरिकेसले अविजित १२ रन बनाए। खेलको म्यान अफ दि म्याच विलियम्सन घोषित भए। 

Hyundai
nic asia
mahindra

प्रतिकृया दिनुहोस

बिज्ञापन

थप समाचार

  • माउरिन्होको प्रशिक्षणमा म्यानचेस्टरले रच्यो इतिहास

    माउरिन्होको प्रशिक्षणमा म्यानचेस्टरले रच्यो इतिहास

    इङ्लिस क्लब म्यानचेस्टर युनाइटेडले पोर्चुगिज प्रशिक्षक जोसे माउरिन्होको प्रशिक्षणमा पहिलो वर्ष नै युरोपा लिगको ऐतिहासिक उपाधि जितेको छ। स्टोकहोल्ममा शुक्रबार बिहान सम्पन्न फाइनलमा डच क्लब आयाक्सलाई २–० गोलले पराजित गर्ने क्रममा म्यानचेस्टरले पहिलो पल्ट युरोपा लिगको उपाधि जितेको हो।

  • म्यानचेस्टर २–० ले अगाडि, मखिटारियनको दोस्रो गोल

    म्यानचेस्टर २–० ले अगाडि, मखिटारियनको दोस्रो गोल म्यानचेस्टर युनाइटेडले दोस्रो हाफको ३ मिनेट भित्रै दोस्रो गोल थपेको छ। युरोपा लिगअन्तर्गत हाल स्टोकहोल्ममा भइरहेको युरोपा लिगको फाइनलमा डच क्लब आयाक्सविरुद्ध ४८ मिनेटमा म्यानचेस्टरले २–० को अग्रता बनाएको छ। म्यानचेस्टरका लागि दोस्रो गोल हेनरिख ...

  • पाउल पोग्बाले दिलाए म्यानचेस्टरलाई पहिलो गोलको सफलता

    पाउल पोग्बाले दिलाए म्यानचेस्टरलाई पहिलो गोलको सफलता

    इङ्लिस क्लब म्यानचेस्टरले क्लबका सर्वाधिक महंगा खेलाडी पाउल पोग्बाको गोलमा १८ मिनेटमा १–० को अग्रता बनाएको हो। पोग्बाले २५ यार्ड टाढाबाट हानेको प्रहार आयाक्सका डिफेन्डर डेभिन्सन साञ्चेजको खुट्टामा लागेर गोलमा परिणत भएको थियो।

  • मेसीको २१ महिनाको जेल सजाय यथावत, बुवाको १५ महिनामा झर्यो

    मेसीको २१ महिनाको जेल सजाय यथावत, बुवाको १५ महिनामा झर्यो

    तर, उनको तर्कसँग अदालत सहमत हुन सकेन। बुधबार अदालतले आफ्नो निर्णयमा भनेको छ, ‘जो मान्छे ठूलो मात्रामा आम्दानी गर्छ, उसलाई कर तिर्नु पर्छ भन्ने थाहा नभएको तर्कसँग सहमत हुन सकिन्न।’

  • प्रधानमन्त्री कप क्रिकेट – पुलिसद्वारा सुदूरपश्चिमाञ्चल पराजित

    प्रधानमन्त्री कप क्रिकेट – पुलिसद्वारा सुदूरपश्चिमाञ्चल पराजित

    नेपाल पुलिस क्लबले सुदूरपश्चिमाञ्चल विकास क्षेत्रलाई पराजित गर्दै प्रथम प्रधानमन्त्री कप क्रिकेट प्रतियोगितामा जित हासिल गरेको छ । कीर्तिपुरस्थित त्रिवि क्रिकेट मैदानमा आज भएको खेलमा पुलिसले सुदूरपश्चिमाञ्चललाई सात विकेटले पराजित गर्दै विजय सुरुआत गरेको हो । जितसँगै पुलिसले दुई अङ्क जोडेको छ ।

Hyundai

लोकप्रिय

vianet

सूचनापाटी