क्रिस्टियानो रोनाल्डोले घरेलु मैदानमा खेलिएको मैत्रीपूर्ण खेलमा स्विडेनविरुद्ध १८ मिनेटमा गोल गरे पनि पराजयलाई टार्न सकेनन्। पहिलो हाफमा घरेलु टोलीबाट २ गोलले पछाडि परेको अवस्थालाई उल्ट्याउदै स्विडेनले ३–२ गोलले खेल जित्न सफल भयो।
स्विडेनको जितमा पोर्चुगलका काभाको कान्सेलो भिलेन सावित भए। निर्धारित ९० मिनेटको खेल २–२ को बराबरीमा रहेको अवस्थामा उनले थप गरिएको तीन मिनेटको समयमा आफ्नै गोलपोस्टमा आत्मघाती गोल गरे।
त्यसअघि भिक्टोर क्लासनले ५७ र ७६ मिनेटमा दुई गोल फर्काउदै खेललाई बराबरीमा ल्याएका थिए। स्विडेनका आन्द्रेस ग्रान्कभिष्टले ३४ मिनेटमा आत्मघाती गोल गरेपछि पोर्चुगलले पहिलो हाफमा दुई गोलको अग्रता लिएको थियो।
रोनाल्डोको अन्तर्राष्ट्रिय फुटबलमा ७१ गोल थियो।
