आफ्नो स्टार खेलाडी लिओनल मेसी बिना विश्व फुटबलकै सबैभन्दा उचाइँमा रहेको बोलिभियाको राजधानी ला पेजको स्टाडियो हर्नान्डो सिलेस रंगशालामा अर्जेन्टिना संकटमा देखिएको छ।
अर्जेन्टिनाले दक्षिण अमेरिकी समूहको छनोटअन्तर्गत बोलिभियाविरुद्ध ५२ मिनेटको खेल समाप्त हुँदा २ गोल खाइसकेको छ। खेल सुरु हुनुअघि साढे ५ घण्टा अगाडि चिलीविरुद्धको खेलमा लाइन्सम्यानलाई अपमान गरेको आरोपमा फिफाले मेसीमाथि ४ खेल प्रतिबन्धको निर्णय गरेको थियो।
अर्जेन्टिना आफ्ना अन्य स्टार स्ट्राइकर सर्जियो अगुइरो, गोन्जालो हिग्विन,पाउलो डायबाला र डिफेन्डर जाभियर मास्चेरानो अनुपस्थित छन्। यस्तै, निकोलास ओटमेन्डी, लुकास बिग्लिया, गार्बियल मेर्गाडो र इमानुअल मास पनि अनुपस्थित रहने छन्।
समुन्द्री सतहभन्दा ३ हजार ६ सय ४० मिटरको उचाइँमा खेल भइरहेको छ। अर्जेन्टिनाले १२ वर्ष यता बोलिभियालाई उसको घरमा हराएको छैन्।
