विशाल राईले ३५ वर्षपछि फिलिपिन्सलाई गोल गर्ने इतिहास रचेका छन्। उनले एएफसी एसिया कप छनोटअन्तर्गत मनिलामा हाल भइरहेको खेलमा गोल गरेका थिए।
विशालले पहिलो हाफको निर्धारित ४५ पछि थप गरिएको एक मिनेटमा गोल गरेका थिए। उनको यो पहिलो अन्तर्राष्ट्रिय गोल पनि थियो। फिलिपिन्सविरुद्ध गोल गरेका विशालले पूर्व राष्ट्रिय स्ट्राइकर गणेश थापाको कीर्तिमानलाई पनि बराबरी गरेका छन्।
सन् १९८२ मा थाइल्यान्डको बैककमा आयोजना भएको किङ्स कपको समूह चरणको खेलमा थापाले फिलिपिन्सविरुद्ध गोल गरेका थिए। थापाले त्यतिबेला १३ मिनेटमा गोल गरेका थिए। उनको गोलकै कारण नेपालले पहिलो पल्ट फिलिपिन्सलाई १–० ले हराएको थियो।
त्यसयता फिलिपिन्ससँग खेलको तीन मैत्रीपूर्ण खेलमा नेपाल पराजित हुँदै आइरहेको छ। नेपालले यसअवधिमा फिलिपिन्सविरुद्ध कुनै गोल गर्न सकेको थिएन्।
