बंगलादेशले दिएको २५८ रनको लक्ष्य पछ्याएको नेपालले आफ्नो आठौं विकेट गुमाएको छ। बिस्फोटक ब्याटिङ गरेका बिनोद भण्डारी ३३ रनमा आउट भएका छन्। यो सँगै खेलमा बंगलादेश हाबी भएको छ।३९औं ओभरको पाँचौ बलमा भण्डारी साहिब उदिनको बलमा बोल्ड भए। यसअघि उनले २३ बल खेल्दै ६ चौका र एक छक्का सहित ३३ रन बनाएका थिए।
यसअघि मेहबुब आलम १० रनको व्यक्तिगत स्कोरमा आउट भएका थिए।।
यसअघि ऐरी ५६ रन बनाएर आउट भएका थिए। ८५ बल खेलेका ऐरीले ६चौका प्रहार गरेका थिए।
यसअघि अन्तर्राष्ट्रिय क्रिकेटमा डेब्यु गरेका दिलीप नाथ ४१ रन बनाएर आउट भएका थिए भने। सरद भेसवाकर २ तथा कप्तान ज्ञानेन्द्र मल्ललाई शून्य रनमा आउट भएका थिए।
यस्तै सुनिल धमला १ रनको व्यक्तिगत स्कोरमा आउट भएका थिए।
बंगलादेशले निर्धारित ५० ओभरमा ९ विकेट गुमाउँदै २५७ रन बनाएको थियो। २५८ रनको लक्ष्य पछ्याएको नेपाल ४१ ओभर खेल्दै ८ विकेट गुमाएर १६८ रनमा खेल्दैछ।