इङ्ल्यान्डले विश्व कप छनोट अभियानअन्तर्गत लिथुवानियालाई २–० गोलले पराजित गरेको छ। आइतबार राती केही समयअगाडि समाप्त भएको खेलमा जेरेमिन डेफोई र जेमी भर्डीको गोलमा लिथुवानियालाई २ गोलले पराजित गर्दै इङ्ल्यान्डले समूह एफमा आफ्नो अग्रतालाई कायम राखेको छ।
समूह एफमा इङ्ल्यान्ड ५ खेलमा अपराजित रहँदै १३ अंकका साथ अग्रस्थानमा छ। यही समूहको दोस्रो स्थानमा रहेको स्लोभेनिया आजै राती स्कटल्यान्डसँग खेल्दैछ। स्लोभेनिया ८ अंकका साथ दोस्रो स्थानमा छ।
इङ्ल्यान्डका लागि २१ मिनेटमा डेफोईले गोल गरे। सन्डरल्यान्ड स्ट्राइकरको ४ वर्षको अन्तरालमा यो पहिलो अन्तर्राष्ट्रिय गोल थियो। अर्को गोल डेफोईलाई पद्स्थापन गर्दै ६० मिनेटमा मैदानमा प्रवेश गरेका जेमी भर्डीले गरे।
उनले मैदानमा प्रवेश गरेको ६ मिनेटपछि नै गोल गरेका थिए।
