नेदरल्यान्ड्सलाई विश्व कप छनोटअन्तर्गत बुल्गेरियाविरुद्धको खेलमा १७ वर्षीय युवा डिफेन्डर माथेस डे लिग्टलाई डेब्यु दिनु घातक साबित भयो।
युरोपको समूह एअन्तर्गत शनिवार राती (नेपाली समयअनुसार बिहान) सम्पन्न खेलमा माथेसकै गल्तीका कारण डच टोलीले २–० को पराजय भोग्नु पर्यो। बुल्गेरियासँगको पराजयपछि नेदरल्यान्ड्सको छनोट अभियानमा गम्भीर धक्का लागेको छ। नेदरल्यान्ड्स आजको खेल जितेर समूहको दोस्रो स्थानमा उक्लिने सम्भावना बलियो थियो। तर, भ्रमणकारी टोली ७ अंकका साथ चौथो स्थानमा खस्किएको छ।
बुल्गेरिया भने ९ अंकको साथ तेस्रो स्थानमा उक्लियो। कप्तान आर्जेन रोबेनले आयाक्सका युवा डिफेन्डरलाई आजको खेलमा मौका दिएका थिए। आयाक्सबाट २ खेल मात्र खेलेका माथेसकै गल्तीका कारण २० मिनेट भित्रै बुल्गेरियाले जित सम्भव पारेको थियो।
१९३१ पछि सबैभन्दा कान्छो खेलाडीको रुपमा डच टोलीमा समावेश माथेसले समोन स्लाभचेभको लामो र माथिबाट आएको पासलाई राम्रोसँग बुझन नसक्दा स्पास डेलेभले खेलको ५ मिनेटमा पहिलो गोल गरेका थिए।
अर्को गोल पनि माथेसले आफूलाई कभर गर्न नसकेको मौकाको फाइदा उठाउदै १८ मिटर टाढाबाट गरेका थिए।