पोर्चुगलका स्टार स्ट्राइकर क्रिस्टियानो रोनाल्डोले अन्तर्राष्ट्रिय फुटबलमा ७० गोल पुरा गरेका छन्। विश्व कप छनोटअन्तर्गत आइतबार बिहान हंगेरीविरुद्ध २ गोल गरेपछि रियल म्याड्रिडका ३१ वर्षीय व्यवसायिक स्ट्राइकरले ७० गोल पुरा गरेका हुन्। युरोपको समूह बीमा रहेको पोर्चुगलले उनकै दुई गोलका कारण हंगेरीलाई ३–० ले पराजित गर्यो।
पोर्चुगल समूहमा हाल स्विट्जरल्यान्डपछि १२ अंकका साथ दोस्रो स्थानमा छ। रोनाल्डो विश्व कप छनोटमा सर्वाधिक गोल गर्ने खेलाडी पनि हुन्। उनले ९ गोल गरिसकेका छन्। उनी अन्तर्राष्ट्रिय फुटबलमा ७० गोल पुरा गर्ने युरोपका तेस्रो खेलाडी हुन्। उनी फ्रान्क पुस्कास र मिरोस्लाभ क्लोसपछि ७० गोल गर्ने तेस्रो खेलाडी बनेका हुन्।