क्रिकेटमा थुप्रै रोचक घटना भएका छन्। तर, टेस्ट क्रिकेटको १ सय ४० वर्ष लामो इतिहासमा एक पल्ट यस्तो घटना भएको छ, जसले विश्व क्रिकेटलाई नै स्तब्ध तुलाएको छ।
घटना हो, सन् १९५५ जनवरीको। त्यतिबेला भारतीय टेस्ट टोली क्रिकेट खेल्न पाकिस्तान गएको थियो। लाहौर टेस्टमा पाकिस्तानी ब्याट्सम्यान मकसुद अहमद ९९ रन बनाएर खेलिरहेका थिए। त्यति नै बेला उनी भारतका सुभाष गुप्तेको बलमा नरेन तम्हाणेद्वारा स्टम्पिङ भए।
यो खेलको रेडियो पाकिस्तानले प्रत्यक्ष कमेन्ट्री गरिरहेको थियो। मकसुद ९९ रनमा आउट भएको खबर रेडियोबाट सुनेका एक समर्थकलाई यति ठूलो निरासा भएछ, ह्दयघातका कारण उनको निधन भयो।
पछि मकसुदले पनि यो खबर पाए। त्यसपछि उनले कहिल्यै टेस्ट क्रिकेटमा सतक बनाउन सकेनन्।
६२ वर्ष अगाडिको यो घटनामा संलग्न मकसुद भारतमा जन्मिएका थिए। तर, १८४७ मा भारत र पाकिस्तानबीच विभाजन भएपछि उनी पाकिस्तान गएका थिए।
मकसुदको जन्म आज कै दिन १९२५ मार्च २६ मा अमृतसरमा भएको थियो। उनले १९९९ मा रावलपिन्डीमा प्राण त्याग गरे।
टेस्ट क्रिकेटमा नर्भस ९९ को सिकार हुने दुई ब्याट्सम्यान मात्र छन्। एक मकसुद भइ हाले। अर्का थिए, न्युजिल्यान्डका जोन राइट।
राइट भारतको प्रशिक्षक भइसकेका छन्। उनी १९९२ को क्राइस्टचर्च टेस्टमा इङ्ल्यान्डविरुद्ध नर्भस ९९ को सिकार भएका थिए। उनलाई फिल टफनेलले ज्याक रसेलद्वारा क्याच आउट गराएका थिए।
