भारतीय अफ स्पिनर रवीचन्द्रन अश्विन एकै सिजन सर्वाधिक विकेट लिने बलर बन्न पुगेका छन्।
उनले शनिवारदेखि धर्मशालामा सुरु भएको टेस्टमा अस्ट्रेलियन कप्तान स्टिभन स्मिथको विकेट लिने क्रममा यो कीर्तिमान रचेका हुन्। उनलाई एउटै सिजनमा सर्वाधिक विकेट लिने बलर बन्न एक विकेटको मात्र आवश्यकता थियो।
अश्विनले दक्षिण अफ्रिकाका तीब्र बलर डेल स्टेनको कीर्तिमान भंग गर्दै एकै सिजन सर्वाधिक विकेट लिने कीर्तिमान आफ्नो नाममा लेखाए। स्टेनले २००७–०८ को सिजन ७८ विकेट लिएका थिए।
अब यो कीर्तिमान अश्विनको नाममा २०१६–१७ सिजनमा रहनेछ। अश्विनले हालसम्म ७९ विकेट लिइसकेका छन्।
