इन्डियन प्रिमियर लिग(आइपिएल) को टिम दिल्ली डेयरडेविल्सका स्टार दक्षिण अफ्रिकी ब्याट्सम्यान जेपी डुमिनीले व्यक्तिगत कारण देखाउदै १० औं संस्करणको आइपिएल नखेल्ने भएका छन्।
यसको जानकारी दिल्ली टिमका मुख्य कार्यकारी हेमन्त दुआले दिए। डुमिनी २०१५ मा दिल्लीको कप्तान थिए। उनी २०१४ देखि लगातार यही टिमबाट खेल्दै आइरहेका छन्।
दुआले भने– व्यक्तिगत कारणले डुमिनीले यो सिजन खेल्न नसक्ने भनेर हामीलाई लिखित जानकारी गराइसकेका छन्।
डुमिनी नखेल्ने भएपछि दिल्लीलाई अर्को विकल्प खोज्नु पर्ने आवश्यकता महसुस भएको छ। यसका लागि टोलीले छिट्टै नयाँ घोषणा गर्ने बताएको छ।