अफ स्पिनर रवीचन्द्रन अश्विन एकै सिजन सर्वाधिक विकेट लिने दक्षिण अफ्रिकी तीब्र बलर डेल स्टेनको कीर्तिमानभन्दा एक विकेटले मात्र पछाडि रहेका छन्। राचीमा सोमबार समाप्त भएको तेस्रो टेस्टमा २ विकेट लिएपछि अश्विनले स्टेनको एकै सिजन ७८ विकेट लिने कीर्तिमानलाई बराबरी गरेका थिए।
स्टेनले २००७–०८ को सिजन ७८ विकेट लिएका थिए। अश्विनले पनि २०१६–१७ को बीच उनी बराबर नै विकेट लिएका छन्। राची टेस्टमै अश्विन स्टेनको कीर्तिमान भंग गर्न सक्थे। तर, उनी पहिलो र दोस्रो इनिङमा १–१ विकेट लिँदै बराबरी मात्र गर्न सफल रहे।
अश्विनबाहेक यो सिजन रविन्द्र जडेजाले ६७ विकेट लिएका छन्। उनी विकेट लिने सूचीमा यो सिजन अश्विनपछि दोस्रो नम्बरमा छन्। अस्ट्रेलियाविरुद्धको अन्तिम टेस्ट मार्च २५ मा धर्मशालामा हुँदैछ।