बार्सिलोनाका निर्देशकले भने– मेसी र इनिस्टाको अनुबन्ध नवीकरण हुन्छ

चुनाव
  • Get News Alerts

tata

बार्सिलोनाका खेलकुद विभाग निर्देशक रोबर्ट फार्नान्डेजले क्लब समर्थकलाई आश्वस्त पार्न धेरै छिटो क्लबका स्टार स्ट्राइकर लिओनल मेसीकोे अनुबन्ध नविकरण हुने जानकारी दिएका छन्।

फर्नान्डेजले स्थानीय पत्रिका काडेना सेरलाई अन्तर्वार्ता दिने क्रममा मेसीसँगै कप्तान आन्द्रेस इनिस्टाको पनि अनुबन्ध छिटै क्लबले नवीकरण गर्ने बताए।

बार्सिलोनाका यी दुवै हस्तीको अनुबन्ध आउँदो वर्षको अन्त्यमा समाप्त हुँदैछ। उनले मेसीको अनुबन्ध नवीकरणमा केही ढिलाई भएको स्विकार गरेपनि कुराहरु विस्तारै सकारात्मक मोडतर्फ जान थालेको बताएका छन्।

क्लब यो सिजन ला लिगा र च्याम्पियन्स लिगको उपाधि दौडमा धेरै ठाउँमा लड्खडाएको अवस्थामा देखिएको थियो। यसको कारण खेलाडीबीच अनिश्चित भविष्यलाई लिएर एकाग्रता नदेखिएको भनाई धेरैको छ।
यस विषयमा फर्नान्डेजले फेरि आफ्नो धारणा राख्दै मेसीको अनुबन्ध नवीकरणमा आश्वस्त रहन आग्रह गरे। ‘ (मेसी) को नवीकरण हुनेछ, जुन म पहिलेदेखि भन्दै आइरहेको छु,’ फार्नान्डेजले भने–‘उनी बार्सिलोनामा खुसी छन, उनी टिमसँग सहज महसुस गरिरहेका छन र क्लबको वातावरण पनि ठिक छ।’

उनले यसबाहेक बाहिर चलिरहेको हल्लाको विषयमा कुनै प्रतिक्रिया नदिने बताए। फर्नान्डेजले इनिस्टाको नवीकरण पनि मेसीसँगै हुने बताएका छन्।

दुवै खेलाडीले आफ्नो खेल जीवन नै क्याम्प नोउमा बिताएका छन्। इनिस्टा २००२ देखि क्लबमा आवद्ध छन भने यसको दुई वर्षपछि मेसी सिनियर टोलीमा आवद्ध भएका थिए।
केही समयअघि इनिस्टा ठूलो धनराशीमा चिनियाँ क्लबमा आवद्ध हुने बताइएको थियो। यस्तै, मेसीले पनि क्लब छोड्ने हल्ला चलिरहेको छ।

 

Hyundai
nic asia
mahindra
hawali
alka

प्रतिकृया दिनुहोस

बिज्ञापन

थप समाचार

  • अर्जेन्टिनाले साम्पाउलीलाई प्रशिक्षक बनाउन १५ लाख युरो खर्चिनु पर्ने

    अर्जेन्टिनाले साम्पाउलीलाई प्रशिक्षक बनाउन १५ लाख युरो खर्चिनु पर्ने

    जर्जे साम्पाउलीलाई पूर्णरुपमा प्रशिक्षकमा नियुक्त गर्न अर्जेन्टिनी फुटबल संघले स्पेनको सेभिया क्लबलाई थप १५ लाख युरो खर्चिनु पर्ने क्लबका अध्यक्ष जोसे कास्ट्रोले बताएका छन्। चिलीका पूर्व प्रशिक्षक साम्पाउलीले स्पेनिस ला लिगअन्तर्गत अन्तिम खेलमा आफू अर्जेन्टिनी राष्ट्रिय टोलीको प्रशिक्षक बनेर जान लागेको खुलासा गरेका थिए। उनलाई बर्खास्त गरिएका पूर्व अर्जेन्टिनी प्रशिक्षक इडगार्डो बाउजाको स्थानमा अर्जेन्टिनाले प्रशिक्षकमा नियुक्त गरेको हो।

  • सिङ्गापुरविरुद्ध मेसी पनि खेल्ने

    सिङ्गापुरविरुद्ध मेसी पनि खेल्ने

    विश्व चर्चित स्ट्राइकर लिओनल मेसी सिङ्गापुरविरुद्ध मैत्रीपूर्ण खेलका लागि अर्जेन्टिनी टोलीमा समावेश भएका छन्। सिङ्गापुर र अर्जेन्टिनाको मैत्रीपूर्ण खेल आउँदो जुन १३ मा हुँदैछ। अर्जेन्टिनाले यस खेलका लागि बार्सिलोनाका स्टार स्ट्राइकरलाई टिममा समावेश गराएको हो। मेसीले १ सय १७ अन्तर्राष्ट्रिय खेलमा देशका लागि सर्वाधिक ५८ गोल गरिसकेका छन्। उनी कट्टर प्रतिद्वन्दी ब्राजिलविरुद्ध जुन ९ मा मेलबोर्न क्रिकेट मैदानमा हुने अर्को खेलका लागि टिममा समावेश भइसकेका छन्।

  • रोनाल्डोले गरे मेसीको एउटा कीर्तिमानको बराबरी

    रोनाल्डोले गरे मेसीको एउटा कीर्तिमानको बराबरी

    रियल म्याड्रिडका पोर्चुगिज स्टार क्रिस्टियानो रोनाल्डोले बार्सिलोनाका आफ्ना प्रतिद्वन्दी लिओनल मेसीको ८ वर्षदेखि हरेक सिजन ला लिगामा २५ भन्दा बढि गोल गर्ने कीर्तिमानलाई बराबरी गरेका छन्।

  • मेसी ‘युरोपियन गोल्डेन शु’ अवार्डमा रोनाल्डोको कीर्तिमान बराबरी गर्दै

    मेसी ‘युरोपियन गोल्डेन शु’ अवार्डमा रोनाल्डोको कीर्तिमान बराबरी गर्दै

    बार्सिलोनाका लागि यो सिजन निकै खराब रहयो। तर, क्लबका स्टार स्ट्राइकर लिओनल मेसीको उत्कृष्ट प्रदर्शनमा यसपालि पनि कुनै कमी आएन्। मेसीले एइबारविरुद्ध गएराती पराजयउन्मुख आफ्नो टोलीको उद्धारका लागि अन्त्यतिर २ गोल गरे। यो गोलसँगै उनी यसपालि ला लिगामा ३७ गोल पुरा गर्न सफल भए।

  • म्यानचेस्टर सिटी र लिभरपुल च्याम्पियन्स लिगमा, आर्सनल बाहिरियो

    म्यानचेस्टर सिटी र लिभरपुल च्याम्पियन्स लिगमा, आर्सनल बाहिरियो

    म्यानचेस्टर सिटी र लिभरपुल च्याम्पियन्स लिगका लागि छनोट भएका छन्। तर, आर्सनल भने छनोटबाट बाहिरिएको छ। आइतबार राती बेग्ला बेग्लै खेलमा सिटीले वार्टफोर्डलाई उसैको घरेलु मैदानमा ५ गोल हाने पछि आगामी सिजन च्याम्पियन्स लिगका लागि छनोट भएको हो।

Hyundai

लोकप्रिय

vianet

सूचनापाटी