भेटियो धोनीको चोरी भएको मोबाइल

  • Get News Alerts

united
tata

भारतीय टेस्ट टोलीका पूर्व कप्तान महेन्द्रसिंह धोनीको हराएको तीन थान मोबाइल भेटिएको छ। विजय हजारे ट्रफीको सेमिफाइनल खेल खेल्न भारतीय राजधानी आएका धोनीको मोबाइल होटलको कोठाबाट हराएको थियो।

उनले हराएको मोबाइलको विवरणसहित गत आइतबार स्थानीय पुलिस स्टेशनमा रिपोर्ट दर्ता गराएका थिए। उनको रिपोर्ट देखेपछि सक्रिय भएको प्रहरीले केही घण्टामै मोबाइलको जानकारी प्राप्त गरेको बताइएको छ। गत विहिबार धोनी झारखण्ड टिमको कप्तानी गर्दै बंगालविरुद्ध सेमिफाइनल खेल्न नयाँ दिल्ली पुगेका थिए।

उनी बसेको होटलमा शुक्रबार आगो लागेको थियो। जसका कारण उनीलगायत झारखण्डको टिमलाई होटलबाट अन्यत्र सार्ने क्रममा धोनीको मोबाइल कोठामै छुटेको थियो। तर पछि मोबाइल लिन जाँदा नभेटिएपछि धोनीले पुलिसमा रिपोर्ट दर्ता गराएका थिए।

प्रहरीका अनुसार आगो निभाई सकेपछि कोठा सफा गर्न जाने क्रममा सफाइ कर्मचारीले उनको मोबाइल भेटेका थिए। प्रहरीले सफाइ कर्मचारीबाटै मोबाइल बरामद गरेको थियो।

बरामद गरिएको फोन धोनीलाई फर्काइ सकेको प्रहरीले जानकारी दिएको छ। धोनी राचीमा बराबरीमा सकिएको भारत र अस्ट्रेलियाविरुद्धको तेस्रो टेस्टको सोमबार अन्तिम दिन घरेलु टोलीलाई हौसला प्रदान गर्न रंगशाला पुगेका थिए।

Hyundai
nic asia

प्रतिकृया दिनुहोस

बिज्ञापन

थप समाचार

Hyundai

लोकप्रिय

vianet

सूचनापाटी