नेपालले एसियाली युथ–२३ फुटबल छनोटमा आफ्नो प्रतिद्वन्द्वी लेबनन, उज्वेकिस्तान र युनाइटेड अरब इमिरेट्स(युएई) लाई पाएको छ। शुक्रबार मलेसियामा सार्वजनिक तालिकामा नेपाल समूह ‘डी’ मा परेको छ। नेपालले आफ्नो सबै खेल युएईमा खेल्नु पर्नेछ।
नेपालको पहिलो खेल युएईसँग जुलाई १९ मा हुनेछ। यस्तै २१ जुलाईमा उज्वेक र २३ जुलाईमा लेबननसँग खेल्नेछ।
यस प्रतियोगितामा एसियाका ४० टिमलाई १० समूहमा विभाजन गरिएको छ। जसमा लिगको अंक तालिकाको शीर्षस्थानमा रहने १० टिम र उत्कृष्ट ५ रनर–अपले आउँदो वर्ष चीनमा हुने प्रतियोगितामा सिधै स्थान पाउने छन्। प्रतियोगितामा १६ टिम सहभागी हुनेछन्।
चीन आयोजक भएको हुनाले चीनले सिधै प्रतियोगिता खेल्ने छ। त्यसैले चीन छनोट चरण पार गर्न सफल भएको खण्डमा उसको स्थानमा छनोट हुन नसकेका टिमबाट उत्कृष्ट हुने एउटा टोलीलाई समावेश गरिनेछ।
