स्टिभन स्मिथको अस्ट्रेलियाली टेस्ट टोलीले भारतमा लगातार ७ टेस्ट पराजयको शृंखलालाई तोडेको छ।
पूणेको पहिलो टेस्टलाई ३ सय ३३ रनले जित्ने क्रममा अस्ट्रेलियाले ४ टेस्टको शृंखलामा १–० ले बढ्त बनायो। कप्तान स्मिथको सतकीय इनिङमा कङ्गारुले दोस्रो इनिङमा २ सय ८५ रन बनाउदै भारतलाई ४ सय ४१ रनको लक्ष्य दिएको थियो।
तर, भारत १ सय ७ रनमै अलआउट भयो। भारतका दुवै स्पिनर स्टिभ ओ’किफ र नाथन लायनले भारतको इनिङ ध्वस्त पार्न महत्वपूर्ण योगदान गरे। ओ’किफले दोस्रो इनिङमा पनि ६ विकेट लिए। लायनले ४ विकेट लिए।
ओ’किफले पहिलो इनिङमा पनि ६ विकेट लिएका थिए। लायनले भने १ विकेट पाएका थिए।
अस्ट्रेलियाले टस जितेर पहिलो ब्याटिङ गरेको थियो। जसमा २ सय ६० रन बनाएको थियो। ओ’किफको उत्कृष्ट स्पिनका कारण भारतले पहिलो इनिङमा १ सय ५ रन मात्र बनायो।
भारतीय भूमिमा अस्ट्रेलियाको यो दोस्रो ठूलो जित हो। यसअघि सन् २००४ मा भारत ३ सय ४२ रनले पराजित भएको थियो।
