म्यानचेस्टर युनाइटेडले युरोपा लिगअन्तर्गत अन्तिम १६ को खेलमा रुसको रोस्तोभलाई प्रतिद्वन्दी फेला पारेको छ।
युरोपा लिगको शुक्रबार बिहान १६ वटै टिमको टुँगो लागेपछि सार्वजनिक भएको ‘ड्र’ मा इङ्लिस क्लबले रुसी क्लबलाई प्रतिद्वन्दी भेटाएको हो।
टोटेनहाम बेल्जियम क्लब जेन्टबाट ३–२ गोलले पछाडि पर्दै बाहिरिसकेको अवस्थामा म्यानचेस्टरले मात्र यसपालि युरोपा लिगको अन्तिम १६ मा प्रतिनिधित्व गर्दैछ। युरोपा लिगमा रोस्तोभ कमजोर टोली मानिन्छ। यो क्लबलाई ९३ वरियता दिइएको छ। रुसी लिगमा क्लब सातौं स्थानमा छ।
अन्तिम १६ का खेलहरू मार्च ९ र १६ मा हुँदैछन्। अन्य क्लबको ‘ड्र’ यसप्रकार रहेको छ।
सेल्टा भिगो(स्पेन) विरूद्ध क्रास्नोदार (रुस)
एपिओइल निकोसिया(साइप्रस) विरूद्ध एन्डरलेच्ट(बेल्जियम)
साल्के(जर्मनी) विरूद्ध बोरुसिया मोनचेनग्लाड(जर्मनी)
लियोन(फ्रान्स) विरूद्ध रोमा (इटाली)
रोस्तोभ(रुस) विरूद्ध म्यानचेस्टर युनाइटेड(इङ्ल्यान्ड)
ओलम्पियाकोस(ग्रीस) विरूद्ध बेसिक्टास(टर्की)
जेन्ट(बेल्जियम) विरूद्ध जेन्क(बेल्जियम)
कोपेनहेगन(डेनमार्क) विरूद्ध आयाक्स(नेदरल्यान्ड्स)