नेपालको मनाङ मर्स्याङ्दी क्लब बङ्गलादेशमा भइरहेको दोस्रो शेख कमल अन्तर्राष्ट्रिय क्लब कप फुटबलको सेमिफाइनलमा प्रवेश गरेको छ। समूह ‘बि’ अन्तर्गत शुक्रबार भएको खेलमा बंगलादेशको मोहमोदेन स्पोटिङ क्लबले अफागानिस्तानको शाहिन आस्मयीलाई २–१ गोल अन्तरले हराएपछि गोल अन्तरका आधारमा मनाङ अन्तिम चारमा पुगेको हो ।
मनाङ र मोहमोदेन दुबैको चार चार अंक भए पनि मनाङले मोहमोदेनलाई हराएको तथा गोल अन्तरमा पनि मनाङ अगाडि भएकाले सेमिफाइनलमा पुगेको हो ।
समूह ‘ए’ बाट टिसी स्पोर्टस् क्लब माल्दिभ्स र दक्षिण कोरियाको पोचियोन सिटिजन एफसी सेमिफाइनलमा प्रवेश गरिसकेका छन्।
मनाङले सेमिफाइनलमा अब माल्दिभ्सको टिसी स्पोर्टस् क्लबसँग खेल्नेछ। नेपाली राष्ट्रिय टोलीका गोल रक्षक किरन चेम्जोङ यही टोलीबाट खेलिरहेका छन्।
शुक्रबार नै भएको खेलमा मनाङ मर्स्याङ्दी क्लबले बंगलादेशको चटगाउँ अवहानी क्लबसँग दुई दुई गोलको बराबरीमा खेलेको थियो।
बराबरीपछि डिफेन्डिङ च्याम्पियन अवहानी सेमिफाइनलमा पुगेको थियो ।
समूह चरणको पहिलो खेलमा मोहमोदेन स्पोटिङ क्लबलाई मनाङले २–० गोल अन्तरले हराएको थियो । दोस्रो खेलमा अफगानिस्तानको शाहिन आस्मयीसँग मनाङ ३–१ गोल अन्तरले पराजित भएको थियो ।