बुटवलमा जारी तिलोत्तमा गोल्डकप अन्तर्गत शुक्रबारको खेलमा नेपाल आर्मीले शानदार जित हासिल गरेको छ। तिलोत्तमा गोल्डकपको १९ औं संस्करणमा पहिलो ह्याट्रिक गर्दै नेपाल आर्मीले युनाईटेड सिक्कीमलाई ८ शुन्यको फराकिलो गोल अन्तरले पाखा लगाएको छ।
आर्मीका लागि अमृत बस्नेतले तीन गोल गरे। दोस्रो हाफपछि मैदान प्रवेश गरेका अमृतले खेलको ६१ औं, ८१ औं र ९० औं मिनेटमा गोल गर्दै १९ औं संस्करणको पहिलो ह्याट्रिक गर्ने अवसर पाएका हुन्।
जिल्ला फुटबल संघ रुपन्देहीको आयोजनामा बुटवलस्थित एन्फा टेक्निकल सेन्टरमा जारी प्रतियोगितामा एकतर्फी हावी भएको नेपाल आर्मी सामु युनाईटेड सिक्किम खेल अवधीभर निरीह बन्यो। आर्मीका लागि विवेक बस्नेतले ११ औं मिनेटमा गोल सुरुवात गर्दै खाता खोलेका थिए।
त्यसैगरी टंक बस्नेतले खेलको २२ औं मिनेटमा एक गोल गर्दै सिक्किम युनाईटेड संगको दुरी २ शुन्यमा पु¥याए। खेल अवधीभर नै बललाई एक नियन्त्रणमा राखेको आर्मीका लागि तेस्रो गोल खेलको ५३ औं मिनेटमा सन्तोष तामाङले गरे।
त्यसैगरी खेलको ६८ र ९२ औं मिनेटमा दिप लामाले गोल गर्दै ८ शुन्यको फराकिलो अन्तरमा खेल टुङग्याएका हुन्। आर्मीका टंक बस्नेतले वान भर्सेज वानमा ८२ औं मिनेटमा लगेको बललाई गोल गर्नबाट चुक्दा उनी व्यक्तिगत एक गोलमा सिमित रहे। टंकले पुनः ८४ मिनेटमा अर्को गोल गर्नबाट पनि चुकेका थिए।
प्रतियोगिता अन्तरगत शनिबार रमपम झापा ११ र हिमालयन शेर्पा क्लव काठमाडौंका बीच खेल हुने आयोजकले जनाएको छ। रमपम झापा ११ ले शनिबार हिमालय शेर्पा विरुद्ध ४÷३÷३ को संरचनामा खेल सञ्चालन गर्नेछ। झापा ११ बाट राष्ट्रिय खेलाडीहरु कर्ण लिम्बु, देवेन्द्र तामाङ, एलन न्यौपाने र रजिन धिमाल खेल्दै छन् ।
विभागीय टिमसहित १० टिमको सहभागिता रहेको प्रतियोगितामा विजेताले ५ लाख ५५ हजार ५ सय ५५ तथा उपविजेताले नगद ३ लाख ३३ हजार ३ सय ३३ रुपैयाँ प्राप्त गर्नेछन् ।प्रतियोगितामा उत्कृष्ट ५ विधाबाट ५ जनालाई नगद १५÷१५ हजार तथा उत्कृष्ट कोचलाई नगद २० हजार रुपैयाँबाट पुरस्कृत गरिने आयोजकले जनाएको छ। प्रतियोगितामा सर्वोत्कृष्ट खेलाडीले स्कुटर प्राप्त गर्नेछन्।प्रतियोगितामा ११ टिमको सहभागिता छ।