न्युजिल्यान्डका स्टार ब्याट्सम्यान रोस टेलर आफ्नो देशका लागि एकदिवसीय क्रिकेटमा सर्वाधिक सतक बनाउने व्याटसम्यान बन्न पुगेका छन्।
उनले दक्षिण अफ्रिकाविरूद्ध बुधबार सम्पन्न दोस्रो एकदिवसीयमा अविजित १ सय २ रन बनाउने क्रममा आफ्ना अग्रज नाथन एस्टलको कीर्तिमानलाई पछाडि छोडेका हुन्। यसअघि किवीका लागि सर्वाीधक सतक बनाउने कीर्तिमान नाथनको नाममा थियो। नाथनले १६ सतक बनाएका थिए।
टेलरको सतकीय इनिङका कारण ५ एकदिवसीयको घरेलु शृंखलामा न्युजिल्यान्डले १–१ को बराबरी गरेको छ।
न्युजिल्यान्डले पहिलो इनिङमा कप्तान काने विलियम्स (६९) र जेम्स नेसम्सको अविजित ७१ रनमा ४ विकेटको क्षतिमा २ सय ८९ रन बनाएको थियो। अफ्रिका ६ रनले पराजित भयो। अफ्रिकाले ९ विकेटको क्षतिमा २ स ८३ रन मात्र बनाउन सक्यो।
३२ वर्षीय टेलर न्युजिल्यान्डबाट छिटो ६ हजार रन बनाउने ब्याट्सम्यान पनि बन्न पुगेका छन्। उनले १ सय ६६ इनिङमा ६ हजार रन पुरा गरेका हुन्। टेलरले २००६ मा डेब्यु गरेका थिए।
