भारतीय क्रिकेटका पूर्व कप्तान महेन्द्रसिंह धोनीले क्रिकेट खेल्न १३ वर्षपछि ट्रेन चढेका छन्। इण्डियन प्रिमियर लिग(आइपिएल) क्लब राइजिङ पूणे सुपरजाइन्ट्सको कप्तानीबाट यसै साता निकालिएका धोनी विजय हजारे ट्रफीमा भाग लिन झारखण्डको राचीबाट ट्रेन चढेका थिए।
उनी झारखण्डको रणजी टोलीका भने कप्तान हुन्। कोलकाताको इडेन गार्डेन मैदानमा कर्नाटकाविरूद्ध हुने पहिलो खेलमा सहभागी बन्नका लागि धोनी टोलीका अन्य सदस्यसँगै ट्रेन चढेका थिए।
विहान ट्रेन समात्न राचीको हटिया पुगेका धोनीसँग फोटो खिचाउन प्लेटफर्ममा ठूलो भीड लागेको थियो। सुरक्षाकर्मीको कडा सुरक्षाका बीच उनलाई ट्रेनको भित्र प्रवेश गराइएको थियो।
उनले फस्र्ट क्लास एसीको टिकटबाट यात्रा गरे। धोनीले ट्रेनभित्र टिमका अन्य सदस्य बसेर खिचेको तस्बिर आफ्नो इन्स्टाग्रामबाट सेयर गरेका छन्।
