१५ औं आहा रारा गोल्डकपमा आयोजक सहारा क्लबले विजयी सुरूवात गरेको छ। पोखरा रंगशालामा भएको पहिलो खेलमा आयोजक सहारा क्लब पोखराले सुदूरपश्चिम ११ स्पोर्टिङ क्लबलाई ४ ० ले हराउँदै क्वार्टर फाइनलमा प्रवेश गरेको छ।
पहिलो हाफमा ३-०को अग्रता लिएको साहाराले दोस्रो हाफमा थप एक गोल गरेको थियो।
एक पक्षीय खेलमा साहाराका लागि मार्टिनले २ तथा रिचार्ज पुन र पिटर सेगुनले १-१ गोल गरेका थिए। अब आयोजकले माघ ८ गते युनाइटेड सिक्किम भारतसँग अन्तिम चारको लागि प्रतिश्पर्धा गर्ने छ।
भोलि सशस्त्र प्रहरीको एपिएफ क्लब र धरान फुटबल क्लबबीच प्रतिश्पर्धा हुनेछ।
माघ १५ गतेसम्म चल्ने प्रतियोगितामा आयोजक सहारा क्लब, तीन विदेशी र तीन विभागीय टिमसहित १२ टिमको सहभागिता छ।
प्रतियोगिताको फाइनल खेल माघ १५ गते हुनेछ। विजेताले पाँच लाख एक हजार एक नगदसहित शिल्ड मेडल र प्रमाणपत्र पुरस्कार प्राप्त गर्नेछ। उपविजेतलाई दुई लाख ५१ हजार एक रूपैया नगद पुरस्कार प्राप्त गर्नेछन्।
