न्युजिल्यान्डसँग पहिलो टेस्ट गुमाएको बंगलादेशले १ सय २३ वर्ष अगाडिको अस्ट्रेलियाको पराजयको कीर्तिमानलाई भंग गरेको छ।
सोमबार बंगलादेश विलिङ्टनको पहिलो टेस्टमा ७ विकेटले पराजित भयो। पहिलो इनिङमा ५ सय ९५ रन बनाएको बंगलादेश अन्ततः घरेलु किवी टोलीसँग पराजित बन्न पुगेको थियो। पहिलो इनिङमा यति ठूलो स्कोर बनाएर पनि पराजय भोगेको बंगलादेशले सय वर्षभन्दा पुरानो कीर्तिमानलाई भंग गरेको हो।
सन् १८९४ मा अस्ट्रेलियाले सिड्नीमा इङल्यान्डविरूद्ध पहिलो इनिङमा ५ सय ८६ रन बनाएको थियो। तर, अन्त्यमा १० रनले पराजित भयो।
विलिङ्टनमा पनि ५ सय ९५ रन बनाएको बंगलादेश दोस्रो इनिङमा १ सय ६० रनमा समेटिएको थियो। पहिलो इनिङमा ५ सय ३९ रन फर्काएको किवीले अन्त्यमा पाएको २ सय १७ रनको लक्ष्यालाई ३ विकेटको क्षतिमा पुरा गरेको थियो।
