भारतबिरूद्ध नेपाली महिला टोली इतिहास रच्न आ­­तुर

  • Get News Alerts

भारतलाई सावित्रासँग डर
tata

साफ महिला फुटबल च्याम्पियनसिपको अघिल्लो तीन संस्करणमा फाइनलमा भारतसँग पराजित भएको नेपाल अर्को ऐतिहासिक भीडन्तका लागि तयार भएको छ।

नेपाली महिला फुटबल टोली सोमबार भारतको पश्चिम बंगालस्थित सिलिगुढीको कञ्चनजंघा रंगशालामा पहिलो सेमिफाइनलअन्तर्गत भारतसँग नेपाली समयअनुसार दिउँसो २ बजेर १५ मिनेटमा भिड्दैछ।

यसअघि नेपाल र भारतबीच ७ पटक भिडन्त भइसकेको छ। जसमा नेपालले एक पल्ट मात्र खेललाई बराबरीमा रोकेको छ। बाँकी ६ खेलमा पराजय भोगेको छ। यसमध्ये पनि ५ खेलमा नेपाल फाइनलमा पराजित भएको थियो।

सन् २०१० देखि सुरू भएको साफ महिला च्याम्पियनसिपको अघिल्लो तीन संस्करण र दक्षिण एसियाली खेलकुदको दुई वटा संस्करणमा पनि नेपाल फाइनलमा भारतसँग पराजित भएको थियो।

यस अर्थमा नेपालका लागि सोमबारको खेल ऐतिहासिक मानिएको छ। नेपाली प्रशिक्षक कुमार थापा पनि भारतविरुद्धको सेमिफाइनल खेललाई ऐतिहासिक मान्छन्। पहिलो पल्ट महिला राष्ट्रिय टोलीलाई प्रशिक्षित गरेका कुमारको नेतृत्वमा समूह चरणको खेलमा नेपालले भुटानलाई ८–०, माल्दिभ्सलाई ९–० र श्रीलंकालाई १–० ले पराजित गरेको थियो।

नेपाली युवती सावित्रा भण्डारीले भुटानविरुद्ध दोहोरो ह्याट्रिक र माल्दिभ्सविरुद्ध ५ गोल गर्दै तहल्का पिटेकी छिन् भने अन्य खेलाडीको खेलबाट पनि स्थानीय दर्शकहरु लोभिएका छन्। विगतको तुलनामा यसपाली नेपालको आक्रमण जबरदस्त देखिन्छ। विङबाट पनि नेपालले गतिलो प्रहार गरेको छ। गीता राणाको डिफेन्स लाइन–अपबाट पनि नेपालले थुप्रै आशा राखेको छ।

‘भारत र नेपाल जहिले पनि फाइनल खेलिरहेको टिम हो। यसपाली हामी सेमिफाइनलमा भिड्दै छौं। तर, हाम्रा खेलाडीले जुन किसिमको प्रदर्शन गरेका छन्। यसबाट इतिहास रच्ने कुरामा म ढुक्क छु’, नेपाली खेलाडीको बदलिएको मानसिकताबाट उत्साही देखिएका प्रशिक्षक कुमार थापाले सेतोपाटीसँग भने।

भारतले समूह चरणको खेलमा अफगानिस्तानलाई ५–१ ले पराजित गरेको थियो। तर, बंगलादेशले आयोजक भारतलाई उसैको घरेलु मैदानमा दोस्रो खेलमा गोलरहित बराबरीमा रोकेको थियो। पहिलो पल्ट भारत समूह उपविजेता हुँदै सेमिफाइनलमा प्रवेश गरेको हो। सेमिफाइनलमा नेपालसँगको सम्भावित भिड्न्तलाई टार्न बंगलादेश र भारतले कडा प्रतिस्पर्धा गरेका थिए।

भारतलाई गोलरहित बराबरीमा रोकेपछि बंगलादेश समूह विजेताको रूपमा सेमिफाइनल प्रवेश गरेको थियो।

भारतीय प्रशिक्षक सजित धरले पनि नेपाली टोली विगतभन्दा बलियो भएको प्रतिक्रिया दिएका छन्। ‘नेपाल सधै बलियो प्रतिद्धन्द्धी हो। हामीसँग पहिलेदेखि नै कडा रूपमा प्रस्तुत हुँदै आइरहेको छ,‘ धरले नेपाली मिडियासँग भने। उनको नेतृत्वमा भारतीय महिला टोलीले १० महिनाअघि भारतको सिलोङ राज्यमा भएको १२ औं साग खेलकुदमा नेपालसँग दुई वटा खेल खेलेको थियो। जसमा समूह चरणको खेलमा नेपालले भारतलाई गोलरहित बराबरीमा रोकेको थियो। फाइनलमा भने नेपाल ४–० ले पराजित बन्न पुग्यो।

भारतीय टोलीको सबैभन्दा बलियो पक्ष भनेको ‘स्टामिना’ हो। इङ्ल्यान्डको वेष्ट हाम युनाइटेड क्लबको महिला टोलीबाट खेल्ने गोलरक्षक आदिती चौहान भारतीय टोलीको सबैभन्दा ठूलो पूँजी हो।

९ खेलमा १९ गोल गरिसकेकी कप्तान नागारगोम बाला देवी र १२ औं सागको सर्वाधिक गोलकर्ता युमनाम कमला देवीको दुवै स्ट्राइकिङ जोडी नेपालका लागि सबैभन्दा खतरनाक मानिएको छ।

२६ वर्षीय कप्तान नागारगोम माल्दिभ्सको न्यु राडियन्ट क्लबबाट खेल्ने गर्छिन्। १० महिनाअघि नेपाललाई १२ औं सागको फाइनलमा हराउँदा नागारगोमले एक गोल गरेकी थिइन्। अझ, २४ वर्षीय कमला देवीले २ गोल गरेकी थिइन्। उनले सागमा सर्वाधिक ५ गोल गरेकी थिइन्।

प्रशिक्षक कुमार थापा भारतका यी तीन खेलाडीबाहेक विङबाट खेलिरहेका थप ४ खेलाडी पनि नेपालका लागि खतरनाक हुन सक्ने बताउँछन्। तर, उनी आफ्नो दृष्टी गोल हान्न मै केन्द्रीत रहने औल्याउँछन्। ‘यस प्रतियोगितामा हाम्रा खेलाडीले पनि विङ र बीचबाट राम्रो प्रहार गरेका छन्। स्ट्राइकरमा कुनै समस्या छैन,’ कुमारले भने।

भारतीय खेमामा नेपाली स्ट्राइकर सावित्रालाई लिएर जबरदस्त दबाबको स्थिति छ। उनलाई रोक्न भारतीय टोलीले विशेष योजना बनाएको प्रशिक्षक धर बताउछन्। ‘ऊ राम्रो स्ट्राइकर हो। उसलाई कसरी रोक्ने भन्ने विषयमा हामीले रणनीति बनाएका छौं,’ प्रशिक्षक धरले भने।

नेपाली कप्तान रेनुका नगरकोटीले पनि सोमबारको खेलमा भारतलाई कडा टक्कर दिने बताइन्। ‘विगतको नतिजा के छ? त्यो हाम्रो सरोकारको विषय होइन्। अहिले टिम पुरै नयाँ छ। र, यतिबेला हामीले नतिजा पनि राम्रो दिइरहेका छौं,’ कप्तान रेनुकाले भनिन्।

हाल नेपाली टोलीमा सात नयाँ अनुहार छन्। प्रशिक्षक कुमारले पनि हरेक खेलमा प्रयोग गरिरहेका छन्। जुन सफल पनि साबित भएको छ। भारतविरुद्धको खेलमा पनि २ खेलाडी परिवर्तन हुन सक्ने उनले बताए।

hundai

प्रतिकृया दिनुहोस

बिज्ञापन

थप समाचार

  • ओलम्पिक कमिटीको वैधानिकताको विषयमा सर्वोच्चको निर्णय कार्यान्वयनमा सिडियोको पत्र

    नेपाल ओलम्पिक कमिटीको वैधानिकताको विषयमा तीन वर्षअघि सर्वोच्च अदालतले गरेको निर्णय कार्यान्वयनका लागि पहिलो पल्ट ललितपुर जिल्ला प्रशासन कार्यालय (सिडियो) ले सम्बन्धित निकायलाई पत्र काटेको छ।

  • चेल्सीको ८ अंकको अग्रता कायमै

    चेल्सीको ८ अंकको अग्रता कायमै

    इंग्लिस प्रिमियर लिगमा शीर्ष स्थानमा रहेको चेल्सीले अंक तालिकामा ८ अंकको अग्रता कायम राखेको छ। लिग अन्तर्गत गए राति भएको खेलमा हल सिटीलाई २–० ले हराउँदै चेल्सी दोस्रो स्थानको आर्सनलभन्दा ८ अंकले अगाडि रहेको हो।

  • मेस्सी, स्वारेज र नेइमार चम्किएपछि बार्साको सहज जित

    मेस्सी, स्वारेज र नेइमार चम्किएपछि बार्साको सहज जित

    मेस्सी, लुइस स्वारेज र नेइमार चम्किएपछि बार्सिलोनाले एइबरलाई ४-० गोल अन्तरमा हराएको छ। यो जीतसँगै स्पेनिस ला लिगामा बार्सिलोनाले शीर्ष स्थानको रियल मड्रिडमाथिको दबाब कायम गरेको छ। बार्साले उपाधि दाबेदार रियल मड्रिडसँगको अंक दूरी छोट्याएको छ।

  • ३ खेलमा २ हजार ९० रन

    ३ खेलमा २ हजार ९० रन

    पूर्णमा भएको पहिलो एकदिवसीयमा इङ्ल्यान्डले पहिलो इनिङमा ३ सय ५० रन बनाएको थियो। प्रत्युत्तरमा भारतले ३ सय ५६ रन बनाएको थियो। यस्तै कटकमा भएको दोस्रो एकदिवसीयमा भारतले पहिलो इनिङमा ३ सय ८१ रन बनाएको थियो। प्रत्युत्तरमा इङ्ल्यान्डले ३ सय ६६ रन बनायो।

  • केदार जाधवलाई पहिलो ‘म्यान अफ दि सिरिज’

    केदार जाधवलाई पहिलो ‘म्यान अफ दि सिरिज’ भारतको एकदिवसीय टिममा समावेश भएको १५ खेलमै केदार जाधव ‘म्यान अफ दि सिरिज’ घोषित भएका छन्। इङल्यान्डविरूद्ध कोलकाताको तेस्रो तथा अन्तिम खेलमा ९० रन बनाएका ३१ वर्षीय केदारले यो शृंखलामा एक सतक र एक अर्धसतक बनाएका थिए। उनले पूर्णको पहिलो खेल...

hundai

लोकप्रिय

vianet

सूचनापाटी