दंगाली क्रिकेट टोली मैत्रीपूर्ण क्रिकेट खेलका लागि शुक्रबार थाईल्याण्ड प्रस्थान गरेको छ। थाइल्याण्डको स्थानीय कल्बको निमन्त्रणामा रुपेश शर्माको कप्तानीमा १३ जना खेलाडीसहित २१ जनाको टोलीले मंसिर २५ गते थाईल्याण्डको राष्ट्रिय टिमसंग ५० ओभरको खेल खेल्ने छ। त्यहाँ रहँदा तीन वटा मैत्रीपूर्ण खेल सकेपछि दंगाली क्रिकेट टोली मंसिर २९ गते स्वदेश फिर्ता हुने जानकारी दिइएको छ।
दाङ तुलसीपुरको योङ स्टार यूवा कल्बमा आवद्ध खेलाडीहरुले हालसम्म विदेशमा गएर यसरी अभ्यास खेल खेल्ने मौका पाएको थिएनन्। यसबाट दाङको क्रिकेट क्षेत्रको विकासमा टेवा पुग्ने अपेक्षा गरिएको छ।