न्यूजिल्याण्डले भारतलाई चौथो वान डेमा १९ रनले हराउँदै पाँच एकदिवसीय श्रृखलामा २-२ को बराबरी गरेको छ।
भारतीय कप्तान महेन्द्रसिंह धोनीको गृहनगर राँचीमा भएको चौथो एकदिवसीयमा जितका लागि २६१ रनको लक्ष्य पछ्याएको भारतीय टिम ४८.४ ओभरमा २४१ रनमा समेटिएको थियो। उसका लागि अजिन्क्या रहाणेले सर्वाधिक ५७ रन बनाए।
यस्तै विराट कोहलीले ४५, अक्षर पटेलले ३८ रनको योगदान दिए । न्यूजिल्याण्डका टिम साउदीले ३ भारतीय खेलाडीलाई पवेलियन फर्काए।
यसअघि टस जितेर पहिले ब्याटिङ गरेको न्यूजिल्याण्डले निर्धारित ५० ओभरको खेलमा ७ विकेट गुमाउँदै २६० रन बनाएको थियो। उसका लागि ओपनर मार्टिन गुप्टिलले सर्वाधिक ७२ रन बनाए। यस्तै कप्तान केन विलियम्सनले ४१ रन जोडे ।
भारतका लागि स्पिनर अमित मिश्राले दुई अक्षर पटेलले एक विकेट हात पारे।
