गत सिजन १९ गोल गरेर पाउलो डाइबाला एकाएक चर्चामा आएका थिए। तर, यसपालि इटालियन लिग च्याम्पियन क्लब युभेन्ट्सका लागि ५ वटा सिरिया र एउटा च्याम्पियन्स लिग खेलिसकेका डाइबालाले ५ सय मिनेट मैदानमा बिताउँदा पनि कुनै गोल गर्न सकेका थिएन्।
युभेन्ट्सका वर्ष खेलाडी घोषित २२ वर्षीय यिनै स्ट्राइकरले मंगलबार गोलको खाता खोले। उनले च्याम्पियन्स लिगअन्तर्गत समूह ‘एच’ को खेलमा गोलको खाता खोले। डिनामो जागरेभविरूद्ध च्याम्पियन्स लिगको तेस्रो खेलमा डाइबालाले टिमका लागि दोस्रो गोल गरेका थिए।
४–० ले विजयी यस खेलमा मिरालेम पिजानिक, गोन्जालो हिग्विन, डाइबाला र डानी अल्भासले गोल गरेका थिए। उनलाई गत वर्ष ३ करोड ४० लाख डलरमा युभेन्ट्सले भित्र्याएको थियो। उनकै उत्कृष्ट प्रदर्शनका कारण गत सिजन युभेन्ट्सले लगातार पाँचौ पल्ट सिरियाको उपाधि जितेका थिए।
