रियल मड्रिडलाई च्याम्पियन्स लिग र पोर्चुगललाई युरोकपको उपाधि दिलाउन सफल क्रिस्टियानो रोनाल्डो युरोपियन वर्ष खेलाडी बनेका छन्।
फ्रान्सको मोनाकोमा भएको एक विशेष कार्यक्रममा रियल मड्रिडकै ग्यारेथ बेल र एट्लेटिको मड्रिडका एन्टेनियो ग्रिजमनलाई पछि पार्दै रोनाल्डोले युरोपियन वर्ष खेलाडी सिजन २०१५-१६ का लागि उपाधि जितेका हुन्।
यसअघि दुई पटक उनले यो उपाधि जितिसकेका थिए।
सन् २००८ मा म्यानचेस्टर युनाइटेडमा रहँदा र सन् २०१४ मा रियल मड्रिडबाटै उनले यो उपाधि जितिसकेका छन्।
रोनाल्डोले गत सिजन रियल मड्रिडका लागि ४८ वटा खेलमा ५१ गोल गरेका थिए भने १५ गोलका लागि सहयोग गरेका थिए ।
त्यसैगरी च्याम्पियन्स लिगमा उनले १२ खेलबाट १६ गोल गर्दै रियल मड्रिडलाई उपाधि दिलाएका थिए।
